Xəbər Lenti

Sorğu

İnfografika

Arxiv

Yazar

07 Dekabr

2017
15:01
591
AİP Trampın Qüds qərarı ilə bağlı bəyanat yayıb

Azərbaycan İslam Partiyası ABŞ-ı dünyadan təcrid etməyə çağırdı. Partiyanın mətbuat xidmətindən FaktXəbər-ə daxil olan etiraz bəyanatında deyilir:

Amerika prezidenti Donald Trampin Qüdsü İsrailin paytaxtı kimi rəsmən tanıması beynəlxalq aləmi saymazlıqdan, müsəlman dünyasına hörmətsizlikdən, bəşəriyyəti imtahan sınağına çəkmək cəhdindən irəli gələn bir təzaddır. Bu ağılsız addım eyni zamanda dünyanı qarışdırmaqla istər İsrailin, istərsə də Amerikanın məncə sonunu yaxınlaşdırmağa xidmət edir.

Qüds müsəlmanların ilk qibləgahı, Fələstinin tarixi paytaxtı, hüquqi statusu isə BMT tərəfindən müəyyənləşmiş toxunulmaz, sabit bir məkandır. Trampın qərarı bütün bu amilləri saymazlıqdan irəli gəlsə də İran,Türkiyə, Misir, BMT və Avropa Birliyi olmaqla, Almaniya, Fransa, İngiltərə, Çin, İtaliya, Boliviya və dünyanın bir sıra digər ölkələri bu qərara etirazlarını bildirmişlər.

Digər tərəfdən Trampın bu qərarı bütövlükdə Amerikanın dünyada sülhə vurduğu ziyanı çılpaqlığı ilə açmış oldu. Artıq bu qitə dünyaya sülh deyil, müharibə ixracatçısı olduğuna heç bir sübut qalmadı. İllərcə Fələstin-İsrail münaqişəsini həll etmək missiyasını üzərinə götürən ABŞ sonda əsl mahiyyətini büruzə verdi, necə deyərlər, xoruzun quyruğu göründü.

Dünya xalqları, o cümlədən də ölkəmiz Amerikanın belə yanlışlıqlarından nəticə çaxarmalı, operativ olaraq mövcud vəziyyəti diqqətlə nəzərdən keçirməlidirlər.

Azərbaycan İslam Partiyası olaraqdünyanın sülhsevər xalqlarını, müsəlman dövlətlərinin rəhbərlərini ABŞ prezidenti Donald Trampın təxribat xarakterli qərarına, bəşəriyyətə qarşı hörmətsizliyinə kəskin etiraz bildirməklə, bu şər qitə ilə bütün iqtisadi, siyasi, mədəni əlaqələri kəsməyə, dünyada sülh, əminamanlıq naminə ABŞ-ı bütün istiqamətlərdə təcrid vəziyyətinə gətirməyə çağırırıq.

Məqalədə : Qüds 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


17-12-2017 04:25

ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru