Xəbər Lenti

Sorğu

İnfografika

Arxiv

Yazar

17 Noyabr

2017
10:50
1650
Azərbaycanlı gənc ixtiraçı gözdən əlillər üçün xüsusi qurğu icad edib - VİDEO

Azərbaycanlı gənc ixtiraçı Rəşid Əliyev gözdən əlillər üçün xüsusi qurğu icad edib. İxtira etdiyi qurğu ilə bağlı fikirlərini FaktXəbər-ə bölüşən R.Əliyev deyib ki, bu qurğu “Brail teach” (Breyl tədrisçisi) adlanır.

Müsahibimiz adıçəkilən cihazın “brail” (breyl) əlifbasını öyrənmək üçün olduğunu və bir neçə dildə mövcudluğunu qeyd edib: “Brail teach”də 8 interaktiv oyun var və onlar iki rejimdə çalışır – hərflər və rəqəmlər. Bu üsul öyrənilən məlumatları daim yeniləməyə imkan verir."

R.Əliyevin sözlərinə görə, cihazın bəzi kompanentlərinə və proqram təminatına görə müəlliflik hüququna məxsusdur: “Maliyyə tərəfini nəzərə alsaq, patentə baş vurmaq sərf etmir. Amma kütləvi istehsal haqqında danışıqlar gedir. Bəzi şirkətlər, şəxslər var ki, bu işə qoşulmaq istəyirlər. Bu sonuncu prototipdir və bundan sonra istehsal gözlənilir”.

İxtiraçı deyib ki, “Brail teach”in proqnozlaşdırılan satış qiyməti 50-60 dollar olacaq və bu cihaz Azərbaycanda pulsuz paylanılacaq: “Azərbaycanda məktəb yaşında görmə məhdudiyyətli 300-ə yaxın insan var. Amma hədəf götürdükdə, Azərbaycanda bütün hədəf qruplarında ümumilikdə 2000-dək görmə məhdudiyyətli şəxs var. Dünya üzrə isə bu rəqəm 2013-cü ildə 35 mln. idi, 2020-ci ildə 75 mln. nəfərə çatacaq. Bu il onların sayı 45 mln. nəfərə yaxınlaşıb. Hazırda dünya üzrə bu qurğunun 300 mln. nəfər potensial istifadəçisi ola bilər.”

Məqalədə : İxtira 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


16-12-2017 22:22

ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru