Xəbər Lenti

İnfoqrafika

Arxiv

Yazar

16 Noyabr

2017
22:14
Peşə məktəbləri ödənişli və ödənişsiz olacaq, güzəştli şagirdlər seçiləcək - YENİLİK

Dövlət peşə təhsili müəssisələrində təhsil dövlət hesabına və ödənişli əsaslarla həyata keçiriləcək.

Bu barədə yeni hazırlanan “Peşə təhsili haqqında” qanun layihəsinin 10-cu maddəsində (Peşə təhsili müəssisəsi) qeyd edilib.

Qanun layihəsinin 10.12-ci bəndinə əsasən, dövlət peşə təhsili müəssisələrində təhsil dövlət hesabına və ödənişli əsaslarla həyata keçiriləcək.

Dövlət peşə təhsili müəssisələrində təqaüdlər təhsilalanlara dövlət hesabına veriləcək.

Qanunvericiliklə müəyyən edilmiş qaydada sosial  müdafiəyə xüsusi ehtiyacı olan aşağıdakı qrup şəxslərin dövlət peşə təhsili müəssisələrində ödənişli əsaslarla təhsil aldıqları müddətdə təhsil haqqı dövlət büdcəsinin vəsaiti hesabına ödəniləcək:

1.valideynlərini itirmiş və valideyn himayəsindən məhrum olmuş uşaqlar;

2.  I, II və III qrup əlillər;

3. münaqişə zamanı əlil olanlar və şəhid ailələrinin üzvləri;

4. 20 yaşına çatmamış və I qrup əlil valideyni olan, aylıq gəliri yaşayış minimumundan aşağı olan şəxslər.

Qanun layihəsi Milli Məclisin yaxın vaxtlarda keçiriləcək plenar iclasında 1-ci oxunuşda müzakirə ediləcək.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : peşə təhsili ödənişli 
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


15-10-2018 13:06



  (+994 70) 870-47-49       (+994 55) 786-96-84

  [email protected]

Valyuta.com