FaktXəbər-in verdiyi məlumata görə, Norveç Xarici İşlər Nazirliyi 2016-cı ildə silah ixracı ilə bağlı hesabat açıqlayıb. Hesabatda göstərilir ki, 2016-cı ildə Norveç rəhbərliyi müdafiə təyinatlı vəsaitin alınması üçün Azərbaycanın müraciətini rədd edib.

Azərbaycanla birlikdə İsrail və bir sıra digər ölkələr də rədd cavabı alıb. Norveç hökuməti bu qərarını belə izah edib ki, rəsmi Oslo dövlətlər arasında müharibənin getdiyi və vətəndaş müharibəsi təhlükəsi olan bölgələrə silah və sursat satmır.