Xəbər Lenti

İnfoqrafika

Arxiv

Yazar

26 Oktyabr

2017
09:52
Avropa Şurası Azərbaycanla bağlı qərarını dekabra qədər təxirə saldı

Avropa Şurası Nazirlər Kabineti Avropa məhkəməsinin çıxardığı qərarın icra edilməsi üçün Azərbaycan qarşısında qoyduğu vaxtın müddətini dekabırın 5-nə qədər uzadıb. Bu barədə məlumatı hüquq müdafiəçisi Rəsul Cəfərov yayıb. Rəsul Cəfərov yazır ki, Avropa Şurası Nazirlər Kabineti Azərbaycan tərəfini noyabrın 28-ə qədər bu məsələ ilə bağlı öz yazılı mövqeyini bildirməyə çağırır. Həmin vaxta qədər Avropa Məhkəməsinin qərarı icra edilməsə Nazirlər Komitəsi özünün növbəti - dekabrın 5-də keçirilən iclasında Avropa Məhkəməsinə sorğunun göndərilməsinə qərar verəcək. Yazını təqdim edirik:

Bu gün ReAl sədri Ilgar Mammadov-un işi üzrə AŞ NK-si tərəfindən ikinci mühüm qərar verildi. Qərarı belə adlandırmaq olar: Həm sanksiya proseduruna başlanlıb, həm də Azərbaycan hakimiyyətinə Avropa Məhkəməsinin qərarını icra etməyə əlavə imkan yaradılıb.

Qərardan: 

"Avropa Şurası tarixində ilk dəfə işin Avropa Məhkəməsinə göndərilərək qərarın icra edilməməsinin üzv-ölkənin üzərinə götürdüyü öhdəliyi pozub-pozmaması proseduruna start verib və bu barədə Azərbaycan hakimiyyətini rəsmən xəbərdar edib. AŞ NK Azərbaycan tərəfini noyabrın 28-ə qədər bu məsələ ilə bağlı öz yazılı mövqeyini bildirməyə çağırıb. Həmin vaxta qədər Avropa Məhkəməsinin qərarı icra edilməsə Nazirlər Komitəsi özünün növbəti - dekabrın 5-də keçirilən iclasında Avropa Məhkəməsinə sorğunun göndərilməsinə qərar verəcək." Bundan əlavə, qərarda Avropa Məhkəməsi qərarlarının icrası ilə bağlı üzv-dövlətlərin üzərlərinə götürdükləri öhdəliklər, konkret olaraq pozuntunun yaratdığı nəticələri maksimum restution in integrum qaydasında aradan qaldırılması xatırladılır. Bu müddəa ilə İlqara faktiki bəraətin verilməsi istənilir.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


19-11-2018 20:04



  (+994 55) 786-96-84

  [email protected]

Valyuta.com