Xəbər Lenti

İnfoqrafika

Arxiv

Yazar

03 Oktyabr

2017
14:16
2721
Bakıda yağış fəsadlar yaradıb, icra hakimiyyətləri “müdrikcəsinə” susur - TAM SİYAHI

Son günlər Azərbaycanda qeyri-sabit hava şəraiti müşahidə olunur. Yağan intensiv yağışlar nəticəsində Bakı şəhərinin bəzi yollarında problemlər yaranıb. 

FaktXeber.com-un məlumatına görə, “Report” yaranan problemlərin aradan qaldırılması istiqamətində görülən işləri öyrənmək üçün Bakı Şəhər İcra Hakimiyyəti (BŞİH) və rayon icra hakimiyyətlərinə müraciət edib. BŞİH-in Mətbuat xidmətinin rəhbəri Nailə Məmmədova başda olmaqla bir neçə icra hakimiyyətinin müvafiq şöbələri telefonlara cavab verməyib. Telefonun dəstəyini götürənlərin bir qismi isə suala cavab verməyib.

Zənglərə cavab verməyən icra hakimiyyətləri:

Bakı Şəhər İcra Hakimiyyətinin Mətbuat xidmətinin rəhbəri Nailə Məmmədova, telefon: 492-56-87

Sabunçu Rayon İcra Hakimiyyətinin ictimai-siyasi və humanitar məsələlər şöbəsinin müdiri Salahzadə Əliabbas Qalib oğlu, telefon: 428-47-40

Binəqədi Rayon İcra Hakimiyyətinin İctimai-siyasi və humanitar məsələlər şöbəsinin müdiri Dadaşov Elman Mirzağa oğlu, telefon: 562-27-47

Nəsimi Rayon İcra Hakimiyyətinin İctimai-siyasi və humanitar məsələlər şöbəsinin müdiri Kazımzadə Pərvanə Əli qızı, telefon: 440-48-75

Qaradağ Rayon İcra Hakimiyyətinin İctimai-siyasi və humanitar məsələlər şöbəsinin müdiri Bayramov Munis Məmməd oğlu, telefon: 445-00-21.

Zənglərə cavab verib sualı cavablandırmayan icra hakimiyyətləri:

Səbail Rayon İcra Hakimiyyətinin İctimai-siyasi və humanitar məsələlər şöbəsindən (şöbə müdiri Anar Seyran oğlu, telefon: 493-95-49) qeyd olunan məsələ ilə bağlı Bakı Şəhər İcra Hakimiyyətinə müraciət etməli olduğumuzu bildirdilər.

Nizami Rayon İcra Hakimiyyətinin İctimai-siyasi və humanitar məsələlər şöbəsindən (şöbə müdiri Axundov Əli Qüdrət oğlu, telefon: 422-10-27) bildirilib ki, onların mətbuat katibi yoxdur: “Biz mətbuata cavab vermirik. Bu məsələyə Bakı Şəhər icra Hakimiyyəti nəzarət edir”.

Nərimanov Rayon İcra Hakimiyyətinin İctimai-siyasi və humanitar məsələlər şöbəsindən (şöbə müdiri Cəfərov Hüseyn Fərəməz oğlu, telefon: 496-08-11) məsələ ilə bağlı Təsərrüfat şöbəsinə müraciət etməyi məsləhət gördülər.

Suraxanı Rayon İcra Hakimiyyətinin İctimai-siyasi və humanitar məsələlər şöbəsindən (şöbə müdiri Barxudarov Barxudar İsmayıl oğlu, telefon: 452-21-23 (daxili-142)) bildirilib ki, "suala yalnız şöbə müdiri cavab verməlidir, o da tədbirə hazırlaşır. Yəqin ki, sualınıza cavab verməkdə problem olmayacaq".

Suala cavab verən icra hakimiyyətləri:

Xətai Rayon İcra Hakimiyyətinin İctimai-siyasi və humanitar məsələlər şöbəsindən bildirilib ki, yağışlar başlamazdan onlar yolları nəzarətdə saxlayırlar: “Yağışlara hazırlıqla əlaqədar müvafiq təmizlik işləri vaxtında görülüb. Xətai rayonu ərazisində bu səbəbdən də xüsusi problem qeydə alınmayıb. İşlər sutka ərzində nəzarətdə saxlanılır”.

Pirallahı Rayon İcra Hakimiyyətinin İctimai-siyasi və humanitar məsələlər şöbəsindən bildirilib ki, hava yağmurlu olanda qurumun nümayəndələri gündəlik reyd keçirir: “Nümayəndələr yalnız mərkəzi küçələrdə deyil, kənar yollarda da olurlar. Hazırda elə bir ciddi problem yoxdur. Yağışdan əmələ gələn gölməçələr var, amma böyük gölməçələrin əmələ gəlməməsi üçün drenaj sistemi qurulub. Drenaj sistemi olmayan yerlərdə isə sular suçəkən maşınlarla çəkilir”.

Xəzər Rayon İcra Hakimiyyətinin İctimai-siyasi və humanitar məsələlər şöbəsindən bildirildi ki, qeyd olunan problemlə bağlı bircə müraciət daxil olub: “O küçə də dalanda yerləşir. Bizdə yollar, kanalizasiya sistemi daima nəzarətdədir”.

Yasamal Rayon İcra Hakimiyyətinin İctimai-siyasi və humanitar məsələlər şöbəsindən bildirilib ki, rayonda yollarda baş verən problemlərlə əlaqəli şöbəyə müraciət daxil olmayıb: “Hazırda yollar açıqdır. Müəyyən ərazilərdə gölməçələr var, amma kanalizasiyalar ilə bağlı məsələyə Bakı Şəhər İcra Hakimiyyəti baxır”.

Məqalədə : leysan yağış 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

"Azərsu" ASC-nin su boruları oğurlanıb

24

Avqust
14:23
ÖLKƏ
532

Günün qarşılaşmaları TV AFİŞA

24

Avqust
14:14
İDMAN
386

Hövsanda su çatışmazlığı: sakinlər etiraz edir

24

Avqust
14:10
HÜQUQ,HADİSƏ
408

Azərbaycan nefti ucuzlaşıb

24

Avqust
11:42
İQTİSADİYYAT
447

Xəzər dənizində zəlzələ olub

24

Avqust
10:33
HÜQUQ,HADİSƏ
478

Hirkan Milli Parkındakı yanğın tam söndürüldü

24

Avqust
10:10
HÜQUQ,HADİSƏ
453

Şagird sayı 20 nəfərdən az olan 290 məktəb var

23

Avqust
16:09
ELM / TƏHSİL
1050

Azərbaycanın xarici dövlət borcu açıqlanıb

23

Avqust
14:39
İQTİSADİYYAT
847
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


26-08-2019 02:13



  (+994 55) 786-96-84

  [email protected]

Valyuta.com

Рейтинг@Mail.ru