Xəbər Lenti

Sorğu

İnfografika

Arxiv

Yazar

12 Sentyabr

2017
22:16
1107
500-dən çox ailə palçıqlı su içmək məcburiyyətindədir - VİDEO

Kranlardan bulanıq və palçıqlı su gəlir.

Görüntülər Mingəçevirdəndir. 500-dən çox ailənin məskunlaşdığı məcburi köçkün şəhərciyində mənzillərə verilən su istifadəyə yararsızdır. Sakinlərin sözlərinə görə, evlərə gələn su həm rənginə, həm də dadına görə içməli sudan fərqlənir. Ağdamdan məcburi köçkün olan sakinlər suyu süzdükdən sonra içə bildiklərini deyir.

10 ədəd doqquzmərtəbəli binanın yerləşdiyi şəhərciyə içməli su anbara toplanaraq nasoslar vasitəsilə verilir. 5 il öncə istifadəyə verilən şəhərciyin sakinləri bildirirlər ki, bu su içmək üçün yox, suvarma üçün yararlıdır. Çirklənməyə əsas səbəb kimi isə anbarın təmizlənməməsini göstərirlər.

Məsələ ilə bağlı "Azərsu" Açıq Səhimdar cəmiyyətinin mətbuat xidmətinin rəhbəri Anar Cəbrayıllı bildirdi ki, qurum 2011-ci ildən Mingəçevir şəhərinin dövlət hesabına su təchizatı və kanalizasiya sisteminin yenidən qurulması layihəsinə başlayıb və bu məqsədlə yeni su şəbəkəsi tikilərək istifadəyə verilib . Ancaq buna baxmayaraq, şəhərin bir hissəsi, həmçinin məcburi köçkünlərin yaşadığı bu qəsəbədə köhnə mənbədən su alındığı üçün bu vəziyyət yaranıb. Ancaq buna baxmayaraq, prezidentin sərəncamına əsasən, artıq problemin qarşısını almaq üçün işlərə başlanılıb.

Bütün işlərin isə bu ilin sonuna kimi başa çatdırılması nəzərdə tutulur. 

Məqalədə : Mingəçevir su 
Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


25-11-2017 15:20

ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru