Xəbər Lenti

Sorğu

İnfografika

Arxiv

08 Sentyabr

2017
15:48
1065
BŞTİ: Bakı məktəbləri yeni dərs ilinə tam hazırdır

Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələri 2017-2018-ci tədris ilinə tam hazırdır. Bu barədə FaktXəbər-ə BŞTİ-nin mətbuat xidmətindən məlumat  verilib.

İdarədən bildirilib ki, növbəti dərs ilinə hazırlıq çərçivəsində paytaxtdakı 20 nömrəli məktəb-lisey üçün yeni bina inşa olunub. 306 nömrəli tam orta məktəbin yeni binasının tikintisi davam etdirilir. Bundan başqa, 67, 75, 257 nömrəli tam orta məktəblər üçün yeni korpus tikintisi başa çatdırılıb. 171 nömrəli tam orta məktəbin qəzalı vəziyyətdə olan korpusları yenidən qurulur. 10, 74, 201, 212 nömrəli tam orta məktəblər, 62 nömrəli məktəb-lisey və 268 nömrəli xüsusi təhsil müəssisəsi əsaslı təmir olunub. Daha 84 məktəbdə cari təmir və mühəndis kommunikasiya işləri görülüb. Hazırda 10 məktəbdə bu istiqamətdə işlər aparılır.

Paytaxtdakı təhsil müəssisələri dərsliklərlə tam təmin edilib. Təhsil nazirinin müvafiq əmrinə əsasən, çap edilmiş yeni dərslik və müəllimlər üçün metodiki vəsaitlər sentyabrın 8-dək yerlərə çatdırılıb.

Məlumata görə, 2016-2017-ci tədris ili ərzində isə BŞTİ-nin tabeliyindəki 8 ümumi təhsil müəssisəsi əsaslı təmir olunub. 12 məktəbdə əlavə sinif otaqlarının, 1 məktəbdə yeməkxananın, 1 məktəb üçün isə yeni binanın tikintisi başa çatdırılıb. 83 müəssisədə cari təmir və mühəndis kommunikasiya işləri görülüb. Təhsil müəssisələri 130 ədəd kompüter və noutbuk, 3629 dəst parta, 444 ədəd printer və surətçıxaranla təmin edilib. 40 təhsil müəssisəsində müasir tipli hərbi kabinet yaradılıb. 

Mövzu üzrə xəbərlər
Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru