Xəbər Lenti

İnfoqrafika

Arxiv

Yazar

20 İyul

2017
17:02
5813
Azərbaycanda mobil telefon istifadəçilərinə xəbərdarlıq olunub

“Android” istifadəçilərini hədəf seçən yeni virus qeydə alınıb. 

Nəqliyyat, Rabitə və Yüksək Texnologiyalar Nazirliyindən daxil olan məlumata görə, virus “Google”un rəsmi tətbiqlər mağazası olan “Play Store”dan yüklənən saxta proqram tətbiqləri vasitəsi ilə telefonlara yoluxur. 

“LeakerLocker” adlanan virus şəxsi şəkilləri, mesajları, internet brauzer tarixçəsini, e-poçtları ələ keçirdiyini iddia edərək müəyyən məbləğ qarşılığında istifadəçini təhdid edir və bütün informasiyanı telefonunuzdakı kontaktlara göndərəcəyini bildirir. 

"Artıq minlərlə “Android” istifadəçisi bu virusdan zərər çəkib. Virus telefona yoluxduqdan sonra onu kilidə salaraq ekranda “Bütün şəxsi məlumatlarınız bizim təhlükəsiz buludumuza köçürülüb. 72 saat ərzində bu məlumatlar sizin telefon və e-poçt kontaktlarınızdakı hər kəsə göndəriləcək. Bundan imtina etmək üçün 50 dollar ödəməlisiniz” - deyə yazı peyda olur.

“McCafe” kibertəhlükəsizlik qurumu tərəfindən “LeakerLocker” təhlükəsi “Play Store”dakı iki tətbiqdə “Wallpapers Blur HD ” və “Booster & Cleaner Pro” proqramlarında aşkar edilib. “McCafe” şirkətinin açıqlamasına görə, hər 2 tətbiq barədə “Google” şirkətinə məlumat verilib və hal-hazırda ekspertlər tərəfindən araşdırılır. Buna baxmayaraq “LeakerLocker”un istənilən tətbiqi yükləyərkən də mobil telefonunuzu yoluxdurma təhlükəsi var", -  deyə məlumatda bildirilib.

Qeyd olunmuş təhlükədən qorunmaq üçün nazirlik yanında Elektron Təhlükəsizlik Mərkəzi tövsiyə edir ki, bəhs edilən bu 2 tətbiqdən ("Wallpapers Blur HD" və "Booster & Cleaner Pro") biri mobil telefona yüklənibsə, dərhal silinsin, "Play Store”da hər hansı bir proqram yükləməzdən öncə istifadəçilər yazılmış rəyləri oxusun, reytinqləri nəzərdən keçirsin: "Tətbiq, məzmunundan kənar olaraq telefonunuzdakı kontaktları, şəkilləri, zəngləri idarə etmək üçün sizdən müəyyən icazələr istəyirsə, ondan imtina edin və dərhal silin, əgər artıq mobil telefonunuz bu virusa yoluxubsa və sizdən pul tələb edirlərsə, pulu ödəməyiniz məsləhət görülmür. Təhlükə ilə artıq üzləşmisinizsə, Elektron Təhlükəsizlik Mərkəzinin 1654 “qaynar xətt”inə zəng etməyiniz və ya “[email protected]” elektron ünvanına yazmağınız tövsiyə olunur", - deyə nazirlik bəyan edib. 

Məqalədə : LeakerLocker 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Yol polisindən “plyonka xəbərdarlığı"

26

İyun
14:05
NƏQLİYYAT
2040

Azərbaycan nefti cüzi bahalaşıb

26

İyun
12:26
İQTİSADİYYAT
2158

Sabahın hava proqnozu açıqlanıb

26

İyun
12:22
ÖLKƏ
1827

Günün qarşılaşmaları TV AFİŞA

26

İyun
12:08
İDMAN
579

Fazil Məmmədovun səhhəti pisləşdi

26

İyun
10:44
ÖLKƏ
141

Neft kəskin bahalaşıb

26

İyun
09:53
İQTİSADİYYAT
1947

“Ata Holding” zərərlə işləməyə başlayıb

26

İyun
09:50
İQTİSADİYYAT
112

Jurnalist Fuad Abbasov Azərbaycana deportasiya olunub

25

İyun
22:44
HÜQUQ,HADİSƏ
132
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


26-06-2019 18:12



  (+994 55) 786-96-84

  [email protected]

Valyuta.com

Рейтинг@Mail.ru