ABŞ prezidenti Donald Tramp dünən Twitter sosial şəbəkəsindəki səhifəsində montaj edilmiş video paylaşıb və bu, böyük müzakirələrə səbə olub. Videoda o, başında CNN-nin loqotipi olan şəxsi vuraraq yerə sərir.

FaktXəbər-in məlumatına görə, hadisə boks rinqinin kənarında baş verir. Rolikin 28-ci saniyəsində sağ aşağı küncdə FNN (Fraud News Network - Fırıldaqçı Xəbərlər Şəbəkəsi) yazısı peyda olur. Bu yazı CNN-nin loqotipi ilə eyni şriftdə göstərilir.

Prezident bu videoya heç bir şərh yazmayıb. Sadəcə olaraq #FraudNewsCNN və #FNN haştaqları qeyd edib.

#FraudNewsCNN #FNN pic.twitter.com/WYUnHjjUjg

— Donald J. Trump (@realDonaldTrump) 2 июля 2017 г.

Qeyd edək ki, bu videodan bir gün qabaq Tramp CNN-nin adının dəyişdirilərək FNN qoyulması təklifini səsləndirmişdi. 

Xatırladaq ki, videonun əsli 2007-ci ilə aiddir. Həmin vaxt biznesmen olan Donald Tramp WrestleMania proqtamının dəvətini qəbul edərək əvvəlcədən planlaşdırılmış çəkildə idmançı Vins Mekmeni yerə sərmişdi.

CNN telekorporasiya ABŞ prezidentini bu addımına cavab verib. Kompaniya ABŞ prezidentinin bu addımını zorakılığa dəvət kimi dəyərləndirib: "Bu videodan sonra jurnalistlərdən kimisə öldürə bilərlər. Amma buna baxmayaraq, işimizi davam etdirəcəyik. Donald Trampın xuliqanlığı bizi qorxuda bilməz".