Xəbər Lenti

İnfoqrafika

Arxiv

Yazar

29 İyun

2017
14:29
3192
Həftə sonu ölkə ərazisində yağış yağacağı gözlənilmir

"Azərbaycan ərazisində qeyri-sabit hava şəraiti iyun ayının 30-u axşam saatlarına kimi davam edəcək. Həftə sonu yağış yağacağı gözlənilmir".

Bunu açıqlamasında Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktor əvəzi Gülşad Məmmədova deyib.

Onun sözlərinə görə, Bakıda və Abşeron yarımadasında hava şəraiti iyunun 30-da dəyişkən buludlu olacaq, arabir tutulacaq: "Gecə və səhər arabir yağış yağacaq. Lakin iyulun 1-i günorta saatlarından başlayaraq hava şəraiti əsasən yağmursuz keçəcək. İyul ayının 1-i və 2-si paytaxtda mülayim şimal küləyi əsəcək. Havanın temperaturu 31-36 dərəcə arasında dəyişəcək".

G.Məmmədova qeyd edib ki, iyun ayının 30-dan artıq yağıntılar tədricən kəsiləcək: "İyul ayının 1-i və 2-də əksər rayonlarda hava şəraitinin sabitləşəcəyi və əsasən yağmursuz keçəcəyi gözlənilir. Havanın temperaturu ötən günlərlə müqayisədə tədricən yüksələcək".

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : hava şəraiti 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


18-02-2019 08:01



  (+994 55) 786-96-84

  [email protected]

Valyuta.com