Xəbər Lenti

İnfoqrafika

Arxiv

Yazar

25 May

2017
09:24
2260
Hesablama Palatası mənzil fondu ilə hökumətə təkliflər verdi

Hesablama Palatası mənzil təsərrüfatı müəssisələri üzrə zərərin ödənilməsinə subsidiyaların hesablanmasını tənzimləyən normativ sənədin hazırlanmasını təklif edir.

Bu haqda “ 2016-cı il dövlət büdcəsinin icrası haqqında” qanun layihəsinə və dövlət büdcəsinin icrasına dair illik hesabata Hesablama Palatasının verdiyi rəydə qeyd edilib.

Nəzarət tədbirləri ilə müəyyən olunub ki, bir çox hallarda mənzil fondunun zərərinin müəyyən edilməsi zamanı zərərin əsassız artırılması, mənzil fondunun gəlirlərinin azaldılması və yığım səviyyəsinin aşağı olması hallarına rast gəlinib. Mənzil təsərrüfatı müəssisələri üzrə zərərin ödənilməsinə subsidiyaların hesablanmasını tənzimləyən normativ sənədin hazırlanması barədə Hesablama Palatası tərəfindən müvafiq təkliflər Nazirlər Kabinetinə təqdim edilib.

Hesablama Palatası bır sıra xərclərin icra faizinin aşağı səviyyədə olmasını nəzərə alaraq dövlət büdcəsinin tərtibi prosesinin əsaslı surətdə təkmilləşdirilməsini, o cümlədən proqnoz məbləğlərinin dəqiq hesablamalar aparılaraq tərtib edilməsini, büdcə təşkilatlarının əsas funksional fəaliyyətləri ilə bilavasitə əlaqədar olmayan xərclərin azaldılmasını və vəsaitlərdən yeni dövrün çağırışlarına uyğun olaraq qənaətlə və səmərəli istifadə edilməsi üçün əlavə tədbirlərin həyata keçirilməsini tövsiyyə edib.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Məqalədə : Hesablama Palatası 
Mövzu üzrə xəbərlər
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


20-02-2019 19:27



  (+994 55) 786-96-84

  [email protected]

Valyuta.com