Xəbər Lenti

İnfoqrafika

Arxiv

Yazar

24 May

2017
10:15
2390
Polad Bülbüloğlu tanınmış rusiyalı politoloqu səfirliyə buraxmır

Səfirimiz rusiyalı tarixçi və siyasi ekspert Oleq Kuznetsovu səfirliyə buraxmır

“İddialara görə, Rusiyadakı səfirimiz Polad Bülbüloğlunun rusiyalı tarixçi və siyasi ekspert Oleq Kuznetsovdan xoşu gəlmir, onu səfirliyə buraxmır”.

“Atlas” Araşdırmalar Mərkəzinin rəhbəri, politoloq Elxan Şahinoğlu bunu sosial şəbəkədəki şəxsi səhifəsində yazıb. Ekspert daha sonra aşağıdakıları bildirib: “Mən iddia etmirəm ki, Oleq Kuznetsov əjdaha ekspertdir. Ancaq onu bilirəm ki, Oleq Kuznetsov Moskvada Azərbaycanın mövqeyini canı-qəlbdən dəstəkləyən və buna görə erməni lobbisini təzyiqləri ilə üz-üzə qalan barmaqla sayılacaq rus ekspertlərdən biridir. Məhz onun sayəsində Xocalı soyqırımının tanınması məqsədilə petisiya hazırlanaraq Dövlət Dumasına göndərilib və indi imzatoplama kampaniyası ilə məşğuldur. Görəsən, Polad Bülbüloğlu Azərbaycanın haqlı mövqeyini dəstəkləyən daha güclü rus politoloq tapıb ki, Oleq Kuznetsovdan zəhləsi gedir? Polad Bülbüloğlu Oleq Kuznetsova alternativ tapıbsa, biz niyə onu tanımırıq? Olanları vururuq, sonra da deyirik ki, erməni diasporu niyə bizimkindən güclüdür”.

Image result for elxan şahinoğlu

Qeyd edək ki, söhbət ciddi bir məsələdən gedir. Bir müddət əvvəl O.Kuznetsov Bakıda da olmuşdu və elə burada olduğu zaman onun Xocalı ilə bağlı elan etdiyi petisiya geniş müzakirə olundu. Rusiyalı ekspert kifayət qədər səs yığılandan sonra Xocalı soyqırımının tanınması üçün Rusiya Dövlət Dumasına müraciət olunacağını deməklə də azərbaycanlıların rəğbətini qazanmışdı. Belə olan təqdirdə Rusiyadakı elçimiz ona dəstək olmaq, bu işin uğurla başa çatmasına yardım etməkdənsə, rus politoloqu səfirliyin kandarında saxlayırsa, çox təəssüf. Amma biz yenə də yayılan informasiyaların nə dərəcədə dəqiq olub-olmadığını bilmək üçün hörmətli Polad Bülbüloğluna telefon açdıq. Lakin israrlı zənglərimizə baxmayaraq, diplomat telefonu açmadı.

Azərbaycan XİN-dən isə bildirildi ki, məsələ ilə əlaqədar şərh verə bilməyəklər.

Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


23-06-2018 23:38



  (+994 70) 870-47-49       (+994 55) 786-96-84

  [email protected]

Valyuta.com