Şimali Koreyanın paytaxtında Kim İr Senin doğum gününün 105 illiyiylə əlaqədar milli bayram münasibəti ilə keçirilən hərbi parada səkkiz təkərli şassi üzərində ballistik raketlər nümayiş olunub. FaktXeber.com-un TASS-a istinadla verdiyi məlumata görə, ekspertlər bildiriblər ki, yeni sursatlar arasında  dənizdə bazalaşan ballistik raketlər də olub.

Meydandan zirehli texnikalar  keçib: tanklar, özüyeriyən artileriya qurğuları, piyada döyüş maşınları.  Bundan başda KXDR-də istehsal olunan  yeni  modifikasiya olunmuş yaylım atəşli reaktiv sistemlər nümayiş olunub.  

Kim İr Sen meydanında ölkə lideri  Kim Çen Inın olduğu fəxri tribunanın qarşısından həmçinin  KXDR Silahlı Qüvvələrinin  bütün növlərinin bölmələri, cümlədən  qadınlardan ibarət dəstələr keçib. 

Parad  hava şousu ilə müşaiyət olunub: Təyyarələr qruppu Pxenyan  səmasında 105 rəqəmini yazıblar. 

Axşam isə Pxenyanın mərkəzində  möhtəşəm atəşfəşanlıq keçiriləcəyinə vəd verilib.