Xəbər Lenti

İnfoqrafika

Arxiv

Yazar

07 Aprel

2017
14:12
Azərbaycan ağırlıqqaldıranları məskunlaşdıqları oteldən yoxa çıxıblar

Ağırlıqqaldırma üzrə Azərbaycan milli komandası Xorvatiyanın Split şəhərində keçirilən Avropa çempionatında sirli şəkildə yoxa çıxıb. "Report"un məlumatına görə, bu barədə yerli "Jutarnji List" nəşri xəbər yayıb.

İnformasiyada bildirilir ki, Azərbaycan nümayəndə heyəti Splitdə otel yoxlamasından keçsə də, sonradan onlar nə yarışın keçirildiyi zalda, nə də oteldə görünüblər.

Nəşr iddia edir ki, bu, sərt dopinq nəzarəti ilə əlaqədar ola bilər: "Azərbaycan son illər 7 aparıcı ağırlıqqaldıranını itirib. Çünki onların dopinq-testləri müsbət nəticə verib. Məhz ciddi dopinq nəzarəti bütün komandanın "yoxa çıxması"nın səbəbi ola bilər".

Yazıda Azərbaycan nümayəndə heyətinin Oktay Muxtarov, Məhəmməd Məmmədli, Oktay Rüstəmov, Kamran İsmayılov, Hüseyn İsmayılov və İlham Məmmədovdan ibarət olduğu vurğulanıb.

Martın 27-də Azərbaycan Ağır Atletika Federasiyası Avropa çempionatında 4 idmançı - Məhəmməd Məmmədli (62 kq), İsa Rüstəmov (69 kq), Kamran İsmayılov (85 kq) və Hüseyn İsmayılovla (94 kq) təmsil olunacaqlarını bəyan edib. Lakin aprelin 1-də AAAF Bakıda keçiriləcək IV İslam Həmrəyliyi Oyunlarına hazırlaşdıqlarını əsas gətirərək, çempionatdan imtina etdiyini açıqlayıb.

Federasiyanın mətbuat xidmətinin rəhbəri Kənan Məstəliyev "Report"a açıqlamasında həqiqətən də Xorvatiyaya nümayəndə heyətinin yollandığını açıqlayıb. Lakin o, heyətdə cəmi 2 idmançının - Hüseyn İsmayılovla Məhəmməd Məmmədlinin yer aldığını, İsa Hüseynovla Kamran İsmayılovun Heydər Əliyev adına Beynəlxalq Hava Limanından qayıtdıqlarını bildirib. Nümayəndə heyətindəki digər üzvlər isə komandanın rəisi Oktay Muxtarov, məşqçilər Elnur Hüseynovla Natalya Prişepa, hakim Vahid Nəzərov, masajçı İlham Məmmədov olub.

Federasiya rəsmisi Nəzərovun çempionatda hakimlik, Prişepanın isə idmançı kimi Moldova yığmasının heyətində çıxış etdiyi üçün Splitdə qaldıqlarını, qalan heyət üzvlərinin isə Məşqçilər Heyətinin qərarı ilə geri qayıtdıqlarını bildirib. O, hakim və məşqçidən başqa heç kimin oteldə qeydiyyatdan keçmədiyini də əlavə edib.

Qeyd edək ki, Avropa çempionatına aprelin 8-də yekun vurulacaq.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Tovuzda 3 nəfəri elektrik cərəyanı vurub

23

Yanvar
18:33
HÜQUQ,HADİSƏ
334

Qubada körpələr evi yanıb

23

Yanvar
18:25
HÜQUQ,HADİSƏ
375

Yanvarın 24-nə manatın məzənnəsi

23

Yanvar
17:30
İQTİSADİYYAT
308

Qaqarinin maşını satışa çıxarılır

23

Yanvar
17:15
DÜNYA
415
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


24-01-2020 09:22



  (+994 55) 786-96-84

  [email protected]

Valyuta.com

Рейтинг@Mail.ru