Xəbər Lenti

İnfoqrafika

Arxiv

Yazar

06 Aprel

2017
16:19
8388
Siqaretdən ölüm halları artır

Dünyada hər 10 ölümdən birinin səbəbi siqaretdir. Bu ölüm hallarının da yarısı dörd ölkədə - Çin, Hindistan, ABŞ və Rusiyada baş verir. Bu haqda «The Lancet» tibb jurnalı yeni araşdırma dərc edib.

«Xəstəliklərin Qlobal Yükü» adlı hesabat 1990-2015-ci illər ərzində 195 ölkə və ərazidə siqaret çəkənlərin durumunu öyrənib.

Araşdırmada xəbərdarlıq olunur ki, onillər boyunca tütünə nəzarət siyasətinin aparılmasına baxmayaraq, əhali artımı siqaret çəkənlərin də sayını artırıb.

Tədqiqatçıların fikrincə, tütün şirkətləri yeni bazarları ələ keçirdikcə, ölüm həddi də yüksələ bilər.

ÇƏKƏNLƏRİN DƏ SAYI ARTIB, ÖLƏNLƏRİN DƏ

Hesabatın əsas müəllifi Dr. Emmanuela Gakidou BBC-yə deyib ki, «siqaret erkən ölüm və əlillik yaradan ikinci böyük risk faktorudur və bunun təsirini azaltmaqdan ötrü tütünə nəzarət gücləndirilməlidir».

Hesabata görə, 2015-ci ildə bir milyarda yaxın adam siqaret çəkib – hər 4 kişidən və 20 qadından biri. 1990-cı ildə hər 3 kişidən və hər 12 qadından biri tütündən istifadə edirmiş, yəni azalma baş verib.

Amma əhali artımı siqaret çəkənlərin sayında da artım deməkdir. 1990-cı ildə 870 milyon nəfər siqaret çəkirmiş.

Beləcə, tütünün doğurduğu ölüm halları da artıb, 2015-ci ildə 6.4 milyona bərabərləşib ki, bu da həmin dövrdə 4.7%-lik artım deməkdir.

BƏZİ ÖLKƏLƏRDƏ İRƏLİLƏYİŞ VAR

Düzdür, bəzi ölkələrdə siqaretin tərgidilməsi yönündə addımlar atılır, yüksək vergilər qoyulur, siqaret qutularının üstünə xəbərdarlıqlar yazılır, maarifləndirici proqramlar gerçəkləşdirilir.

25 il ərzində Braziliyada gündəlik siqaret çəkənlərin sayı kişilər arasında 29%-dən 12%-ə, qadınlar arasında 19%-dən 8%-ə düşüb.

Banqladeş, İndoneziya və Filippində 1990-2015-ci illərdə heç bir dəyişiklik baş verməyib.

Rusiyada siqaret çəkən qadınların sayı yüksəlir, 4%-lik artım qeydə alınıb. Oxşar tendensiya Afrikada da ortaya çıxır.(Azadlıqradiosu)

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Azərbaycan nefti ucuzlaşıb

24

Avqust
11:42
İQTİSADİYYAT
89

Xəzər dənizində zəlzələ olub

24

Avqust
10:33
HÜQUQ,HADİSƏ
128

Hirkan Milli Parkındakı yanğın tam söndürüldü

24

Avqust
10:10
HÜQUQ,HADİSƏ
120

Şagird sayı 20 nəfərdən az olan 290 məktəb var

23

Avqust
16:09
ELM / TƏHSİL
662

Azərbaycanın xarici dövlət borcu açıqlanıb

23

Avqust
14:39
İQTİSADİYYAT
488

Mərdəkan körpüsündən avtomobil aşıb

23

Avqust
14:18
HÜQUQ,HADİSƏ
325

Ramanada quru ot sahəsi yanır

23

Avqust
14:17
HÜQUQ,HADİSƏ
276

Günün qarşılaşmaları TV AFİŞA

23

Avqust
14:15
İDMAN
278

Deputat oğlunu həbsdən çıxartdırmaq istəyir

23

Avqust
12:48
HÜQUQ,HADİSƏ
429
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


24-08-2019 14:08



  (+994 55) 786-96-84

  [email protected]

Valyuta.com

Рейтинг@Mail.ru