Xəbər Lenti

İnfoqrafika

Arxiv

Yazar

16 Fevral

2017
09:57
3416
Sürücülər üçün yeni qaydaların faydası nədir?

Azərbaycanda sürücülük vəsiqəsi almaq istəyənlər üçün qaydalar dəyişdirilib. Bəs yeni qaydaların hər hansı bir faydası varmı?

Öncə qeyd edək ki, Nazirlər Kabineti “Nəqliyyat vasitələri sürücülərinin hazırlanması və onların ixtisasının artırılması kursları haqqında Əsasnamə”yə və “Nəqliyyat vasitəsini idarə etmək hüququ verən sürücülük vəsiqəsi almaq istəyən şəxslərdən imtahanların qəbul edilməsi və onlara sürücülük vəsiqəsinin verilməsi qaydaları haqqında Əsasnamə”yə dəyişiklik edib.

Dəyişikliyə əsasən, “B” kateqoriyalı sürücülük vəsiqəsi almaq istəyən şəxs təcrübi imtahanı həm mexaniki, həm də avtomatik transmissiyalı nəqliyyat vasitəsində verə bilər. Mexaniki transmissiyalı nəqliyyat vasitəsində imtahanı müvəffəqiyyətlə vermiş şəxsə mexaniki və avtomatik transmissiyalı nəqliyyat vasitələrini idarə etmək hüququ verilir. Avtomatik transmissiyalı nəqliyyat vasitəsində imtahanı müvəffəqiyyətlə vermiş şəxsə isə yalnız avtomatik transmissiyalı nəqliyyat vasitələrini idarə etmək hüququ verilir.

Bundan başqa, digər dəyişikliyə görə, həm ölkə vətəndaşlarına, həm də əcnəbilərə və vətəndaşlığı olmayan şəxslərə yol hərəkətinin tənzimlənməsi sahəsində Azərbaycan Respublikasının tərəfdar çıxdığı beynəlxalq müqavilələrə uyğun olaraq, xarici dövlətin səlahiyyətli orqanı tərəfindən verilmiş və etibarlılıq müddəti bitməmiş sürücülük vəsiqəsi əsasında nəqliyyat vasitələrini ölkəyə daxil olduğu gündən bir ay müddətində idarə etmək hüququ verilib. Avtomobili həmin müddətdən artıq idarə etmək üçün sürücülük vəsiqəsi dəyişdirilməlidir.

Bu dəyişikliklərlə bağlı “Yeni Müsavat”a danışan ekspert Ərşad Hüseynov bildirib ki, bu dəyişiklik sürücülərin xeyrinədir: “Əgər sürücülər düşünürlər ki, hər zaman avtomatik ötürmələr qutusu olan nəqliyyat vasitəsi idarə edəcəklər, bu qaydalar birmənalı olaraq onların xeyrinədir. Minik avtomobili istehsalçıları əsasən avtomatik ötürmələr qutusuna üstünlük verirlər. Həvəskar sürücülərin də mütləq əksəriyyəti elə müasir avtomobil alırlar. Bu insanlar artıq gedib yalnız avtomatik ötürməli avtomobil üçün imtahan verəcəklər. Dünyada da belə təcrübə var. Ümumiyyətlə, müxtəlif ölkələrdə bu məsələyə yanaşma fərqlidir. Elə ölkələr var ki, orada avtomobilləri siniflərinə görə bölüblər. Hətta at gücünə görə bölgü də var. Mühərriki güclü olan avtomobillər üçün imtahan başqadır. Mexaniki ötürmələr qutusunu fərqləndirən ölkələr də var”.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Yasamalda yaşayış binası yanır

20

Avqust
11:37
HÜQUQ,HADİSƏ
12

Azərbaycan əhalisinin gəlirləri artıb

20

Avqust
09:50
İQTİSADİYYAT
1861

Xarici valyutaların manata qarşı məzənnələri

20

Avqust
09:28
İQTİSADİYYAT
357

Brent nefti bahalaşıb, WTI isə ucuzlaşıb

20

Avqust
09:20
İQTİSADİYYAT
707

Dinimizin kamil olduğu gün - Qədir-Xum Bayramı

19

Avqust
18:43
MƏNƏVİYYAT
322

Günün qarşılaşmaları TV AFİŞA

19

Avqust
16:31
İDMAN
1020

Vilayət Eyvazov yeni polis rəisi təyin edib

19

Avqust
16:23
HÜQUQ,HADİSƏ
234
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


20-08-2019 11:45



  (+994 55) 786-96-84

  [email protected]

Valyuta.com

Рейтинг@Mail.ru