Xəbər Lenti

İnfoqrafika

Arxiv

Yazar

02 Fevral

2017
10:51
Antiviruslardan istifadə etməyin - `Mozilla` şirkətinin mütəxəssisi

"Mozilla" şirkətinin keçmiş əməkdaşı Robert O'Kallahan (Robert O'Callahan) antivirus proqramlarını tənqid edib. Onun sözlərinə görə, yalnız "Microsoft"un normal antivirusu var. Söhbət "Windows"a daxil edilmiş "Defender" proqramından gedir. O'Kallahan öz bloqunda bu mövqeyini izah edib:

«Antiviruslar bütün soft (proqram) sistemini zəhərləyir. Belə ki, onların invaziv və pis yazılmış kodu brauzer və başqa proqramları işləyib hazırlayan mütəxəssislərin işini çətinləşdirir, onların təhlükəsizliyi yaxşılaşdırmasına mane olur. Ən tanınmış antivirus məhsullarının ("Microsoft"dan başqa) təhlükəsizlik şəbəkəsini necəsə yaxşılaşdırmasının heç bir sübutu yoxdur. Əksinə, onlar nəzərəçarpan ziyan vurur. Məsələn, antivirus proqramında "Google Project Zero"nun aşkar etdiyi baqlara baxın. Bu baqlar onu göstərir ki, adı çəkildiyi məhsullar nəinki əksər hücum növlərinə açıqdır, həm də onların istehsalçıları ümumiyyətlə standart təhlükəsizlik praktikasına əməl etmirlər...»

О’Kallahan deyir ki, "Windows" üçün "Firefox" ASLR dəstəyi almağa başlayanda antivirus istehsalçıları öz proqramlarına ASLR-ı söndürən proses daxil ediblər. Bundan başqa, bir çox antiviruslar "Firefox"un yenilənməsinə mane olur. Bu səbəbdən bəzi istifadəçilər haker hücumlarına qarşı həssas olan brauzerdən istifadə etməli olurlar.

O’Kallahanın sözlərinə görə, brauzerləri hazırlayanlar antivirus sahibləri ilə əməkdaşlıq barədə danışıqlara getməli olurlar. Ancaq bu, istifadəçilərin maraqlarına ziddir. Bir dəfə brauzer istehsalçısı antivirus sahibini Firefox API-yə kod inyeksiyalarına görə məsuliyyətə cəlb etmək istəyib. Ancaq "Mozilla"nın PR şöbəsi O’Kallahanı bu tələblərdən əl çəkməyə məcbur edib. Çünki antivirusun sahibləri, antivirus proqramı "Firefox"un kodunu təhlükəli hesab edib brauzerin zədəli olduğu barədə bildiriş çıxara bilərdi.

Robert O’Kallahan əvvəllər də proqram təminatından narazılıq ifadə etmişdi. 2010-cu ildə "Microsoft", "Internet Explorer"in proqram sürətləndirmə dəstəyi olan yeganə brauzer olduğunu bildirmişdi. Buna görə O’Kallahan "Microsoft"dan incimişdi. 2013-cü ildə isə o, həmin vaxt üçün "Chrome" brauzerinin yeni hissəsi olan "Blink"i tənqid etmişdi. 2014-cü ildə o, istifadəçiləri "Google"un internet üzərində monopoliyaya sahib olmasının qarşısını almaq üçün "Chrome"dan istifadəni dayandrmağa çağırmışdı. 2017-ci ildə isə O’Kallahan bəyan edib ki, "Mozilla"dan başqa bütün brauzer istehsalçıları istifadəçilərin maraqlarını yox, öz mənafelərini güdür. 

Məqalədə : Kompyuter virusu 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

AMEA-da iş saatı dəyişdirildi

25

İyun
11:09
ÖLKƏ
17988

Növbəti buraxılış imtahanları başlayıb

25

İyun
10:59
ELM / TƏHSİL
16617

AMB-nin valyuta məzənnələri

23

İyun
10:11
İQTİSADİYYAT
18007

Nefti qiyməti bahalaşmağa başlayıb

23

İyun
09:30
İQTİSADİYYAT
17571

Xaricilər Həcc ziyarətinə gedə bilməyəcək

23

İyun
09:09
MƏNƏVİYYAT
23040

QMİ yaslarla bağlı xəbərdarlıq etdi

19

İyun
18:10
ÖLKƏ
17501

İyunun 22-də dolların manata qarşı məzənnəsi

19

İyun
17:55
İQTİSADİYYAT
17625
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


11-08-2020 17:52





  [email protected]

Valyuta.com

Рейтинг@Mail.ru