Xəbər Lenti

İnfoqrafika

Arxiv

Yazar

30 Yanvar

2017
15:58
70 manata gilas, 35 manata banan, dənəsi 10 manata alça... - VİDEO

Sərt qış fəslini yaşamağımıza baxmayaraq, bazarda mövsümə uyğun olmayan meyvələrin çeşidi göz oxşayır. Damaqların dadını dəyişən meyvələr çeşid-çeşid piştaxtaları bəzəyir.

Gördüyünüz çiyələyin 250 qramı 5 manat, alçanın bir dənəsi isə 8-10 manat arasında dəyişir. Bu isə mini banandır. Həcmcə çox kiçik olmasına baxmayaraq, dadlıdır, tərkibi bol vitaminlərlə zəngindir. Kiloqramı 35 manatadır.
 
Ümumiyyətlə, paytaxt bazarlarına ekzotik meyvələrin çoxu Cənubi Amerikadan gətirilir.
 
FaktXəbər Apa.tv-yə istinadən xəbər verir ki, bazarda adına və özünə ilk dəfə rast gəldiyimiz meyvələr də oldu. Karambola, marakuya və manqustinin kiloqramı 35 manata, moruq, böyürtkən, qaragilənin bir qabı 10 manata təklif olunur. Sarı qreypfrutun kiloqramı 7 manata satılır.
 
Satıcılar iddia edirlər ki, qışda isti ölkələrdən Azərbaycana gətirilən meyvə və giləmeyvələr xüsusi şəraitdə saxlanılır: "Meyvələr gətirilərkən onların üzərindəki sənədlərdə saxlanma şəraiti ilə bağlı məlumat olur. Biz də ona uyğun olaraq soyuducularda temperatur müəyyənləşdirib saxlayırıq".
 
Kakamid kokosun soyulmuş forması xüsusi qablaşdırılıb və bir ədədinin qiyməti 10 manatdır. Altun çiyələk, yemiş, qarpız və daha nələr, nələr...
 
Heç yayda belə bu gözəllikdə gilasa rast gəlmək olmaz. Vətəni Çilidir. Orada hazırda yay fəsli olduğundan, gilasın mövsümüdür. Kiloqramı 70 manata satılır. Yeyib dadına baxdıq. Çox dadlıdır.
 
Bir sözlə, bazar və dükanlarda hər mövsümdə müxtəlif ekzotik meyvələri tapmaq olur. Bu meyvələrin müxtəlif faydalı xüsusiyyətləri ilə yanaşı, əks-göstərişləri də var: "Bir çox hallarda bazarda məhsulların maya dəyəri çox olmasın deyə, meyvələr kimyəvi parafindən istifadə edilərək saxlanılır. Belə olan halda bu meyvələr bazar və supermarketlərdə 12 ay müddətində tər və gözəl görünə bilsin. İstənilən halda mövsümdən kənar meyvə yemək həkimlər tərəfindən qadağan edilir. Çünki onun tərkibindəki stabilizatorlar, konservatorlar və qatqılar mədə-bağırsaq sistemində bir çox xəstəliklərin, allergiyanın və mədən bağırsaq pozuntularına yol açır".
 
Odur ki, bu qiymətlərlə hazırda meyvə yeməyiniz çətin olsa da, heç olmasa, mövsümündə yerli meyvələrimizdən doyunca qidalanın ki, o biri mövsümə kimi səbir edə biləsiniz.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

AMEA-da iş saatı dəyişdirildi

25

İyun
11:09
ÖLKƏ
43069

Növbəti buraxılış imtahanları başlayıb

25

İyun
10:59
ELM / TƏHSİL
41383

AMB-nin valyuta məzənnələri

23

İyun
10:11
İQTİSADİYYAT
42947

Nefti qiyməti bahalaşmağa başlayıb

23

İyun
09:30
İQTİSADİYYAT
42457

Xaricilər Həcc ziyarətinə gedə bilməyəcək

23

İyun
09:09
MƏNƏVİYYAT
47993

QMİ yaslarla bağlı xəbərdarlıq etdi

19

İyun
18:10
ÖLKƏ
42404

İyunun 22-də dolların manata qarşı məzənnəsi

19

İyun
17:55
İQTİSADİYYAT
42803
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


24-09-2020 01:59





  [email protected]

Valyuta.com

Рейтинг@Mail.ru