Xəbər Lenti

İnfoqrafika

Arxiv

Yazar

13 Dekabr

2016
20:38
Azərbaycanda aylıq inflyasiya nə qədər oldu?

Noyabr ayında Azərbaycanda istehlak məhsullarının və xidmətlərin qiymətləri 1,7 faiz artıb.

Bu barədə FaktXəbər Dövlət Statistika Komitəsinə istinadən məlumat verir.

Noyabrda oktyabra nisbətən ərzaq məhsullarının qiymətləri 2,6 faiz, qeyri-ərzaq məhsullarının qiymətləri 1,9 faiz, əhaliyə göstərilən ödənişli xidmətlərin qiymətləri isə 0,3 faiz artıb.

2016-cı ilin 11 ayı ərzində istehlak məhsullarının və xidmətlərin qiymətləri 2015-ci ilin eyni dövrünə nisbətən 12,1 faiz, o cümlədən ərzaq məhsullarının qiymətləri 14,1 faiz, qeyri-ərzaq məhsullarının qiymətləri 16,8 faiz, əhaliyə göstərilən ödənişli xidmətlərin qiymətləri 5,6 faiz artıb.

Ay ərzində Azərbaycanda düyü, un, makaron məmulatları, peçenye və paxlava, qarabaşaq, mal, qoyun və toyuq əti, süd məhsulları, balıq məhsulları, kolbasa məmulatları, yumurta, pendir, kərə və bitki yağları, şəkər və şəkər tozu, qəhvə, çay və kakao, armud, spirtli içkilər, nar, pomidor və xiyarın qiymətlərində artım müşahidə olunub.

Bundan başqa banan, alma, limon, naringi, xurma, şabalıd, kələm, göyərti, kök və soğanın qiymətlərində azalma müşahidə olunub. Digər ərzaq məhsullarının qiymətlərində ciddi dəyişikliklər baş verməyib.

Noyabr ayında qeyri-ərzaq məhsullarından parçalar, geyim və ayaqqabılar, inşaat materialları, dərmanlar, mebel və ev əşyaları, xalça və digər döşəmə örtükləri, ev üçün toxuculuq məmulatları, zərgərlik məmulatları, şüşə məmulatları, yemək qabları və əşyaları, məişət cihazları, kompüterlər, dəftərxana ləvazimatları, kitablar, eləcə də avtomobillər üçün ehtiyat hissələrinin qiymətlərində artım müşahidə olunub. Digər qeyri-ərzaq məhsullarının qiymətlərində ciddi dəyişikliklər baş verməyib.

Noyabr ayı ərzində ev kirayəsi, məişət cihazlarının və avtomobillərin təmiri, dəniz, hava və dəmir yolu ilə beynəlxalq sərnişindaşımaların dəyərində artım baş verib. Digər ödənişli xidmətlərin qiymətlərində ciddi dəyişikliklər baş verməyib.

Məqalədə : DSK inflyasiya 
Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Yanvarın 30-na manatın məzənnəsi

29

Yanvar
17:30
İQTİSADİYYAT
81

NATO təlimçiləri Azərbaycana gəlib

29

Yanvar
16:15
HƏRB
193

Azərbaycan qızıl ixracını ötən il 46% artırıb

29

Yanvar
14:19
İQTİSADİYYAT
218
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


29-01-2020 17:43



  (+994 55) 786-96-84

  [email protected]

Valyuta.com

Рейтинг@Mail.ru