Xəbər Lenti

İnfoqrafika

Arxiv

Yazar

10 Dekabr

2016
22:52
Bakıda siyasi məhbuslara dəstək aksiyası keçirilib

Siyasi Məhbusların Vahid Siyahısı üzrə İşçi Qrup dekabrın 10-da İnsan Hüquqları Günü münasibətilə “Siyasi Məhbuslara Dəstək Kampaniyası” təşkil edib.

Tədbir REAL Hərəkatinin ofisində keçirilib.

Dəstək kampaniyası çərçivəsində siyasi məhbuslar üçün kitablar, məktublar, açıqcalar və digər kiçik hədiyyələr toplanıb.

İşçi Qrupun üzvləri və siyasi məhbusların vəkilləri kampaniyaya dəstək vermək üçün gələnləri qarşılayıblar. Onların arasında İntiqam Əliyev, Xədicə İsmayıl, Şahvələd Çovbanoğlu, Samir Kazımlı, Rövşən Hacıbəyli, Anar Məmmədli, Rəsul Cəfərov, Xalid Bağırov, Əsabəli Mustafayev və digər tanınmış şəxslər olub.

Günorta saatlarınadək 100-dən artıq siyasətçi, jurnalist, hüquq müdafiəçisi kampaniyaya dəstək veriblər.

Kampaniya zamanı 100-lərlə kitab toplanıb. Həbsxanalarda cəza çəkən siyasi məhbuslara çatdırılacaq. Həmin kitabları hədiyyə edənlər orda öz ürək sözlərini də qələmə alıblar.

BMT Baş Assambleyası İnsan Haqları Bəyannaməsini 1948-ci il, dekabrın 10-da qəbul edib.

O zamandan bəri 10 dekabr Beynəlxalq İnsan Haqları Günü kimi qeyd edilir.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


15-12-2018 22:11



  (+994 55) 786-96-84

  [email protected]

Valyuta.com