Xəbər Lenti

İnfoqrafika

Arxiv

Yazar

31 Oktyabr

2016
20:32
1576
Səhiyyə Nazirliyi: “Aktilize” dərmanı ilə bağlı şikayətlər var

“Aktilize” ticari adlı alteplaza tərkibli həlledici (inyeksiya üçün su) ilə komplektdə venadaxili infuziya məhlulu hazırlamaq üçün liofilizəolunmuş toz flakonda dərman vasitəsinin həll olması ilə bağlı şikayətlər edilir.

Nazirlikdən verilən məlumata görə, son aylar “Boehringer İngelheim” şirkətinə bəzi ölkələrdən “Aktilize” 50 mq preparatından çoxlu texniki şikayətlər daxil olub. Şikayətdə bildirilir ki, preparatın həll olması zamanı rezin tıxac flakon daxilinə itələnir. Bu, flakonun istifadəsini yararsız edir və müalicə üçün yeni flakona ehtiyac yaranır: “Az miqdarda 10 mq və 20 mq dozalara aid şikayətlər də alınıb. Hazırda texniki şikayətin yaranma səbəbləri araşdırılır. Hələki, dəqiq səbəb müəyyən edilməyib. “Boehringer İngelheim” şirkəti Aktilize preparatının istifadə təlimatına ciddi əməl olunmasının vacibliyini bildirir. “Aktilize” preparatının həyati vacibliyini nəzərə alaraq tibb müəssisələrində kifayət qədər preparat ehtiyatının saxlanılması tövsiyyə olunur. Preparatın istifadəsi zamanı yaranan problemlərin şirkətə bildirilməsi xahiş olunur. Yaranmış situasiyanın aradan qaldırılması üçün şirkət bu sahədə bütün tədbirləri gücləndirib”. (Trend)

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


20-02-2019 19:25



  (+994 55) 786-96-84

  [email protected]

Valyuta.com