Xəbər Lenti

İnfoqrafika

Arxiv

Yazar

31 Oktyabr

2016
09:48
1386
Səhiyyə Nazirliyi qarşısında `üsyan edən` qadından xəbər var - VİDEO

Sentyabrın 22-də Azərbaycanda sosial şəbəkələrin, medianın diqqəti Səhiyyə Nazirliyinin qarşısında etiraz edən 26 yaşlı gənc qadına yönəldi. O, qaraciyər serozu olduğunu, qida borusunda varikoz genişlənmə baş verdiyini, xaricdə müalicəsinin 150 min manata başa gəldiyini deyir, amma buna imkanı çatmadığından dövlət qurumundan yardım istəyirdi. Cavabında ona müalicəsinin özəl xəstəxanalarda mümkün olduğunu söyləmişdilər.

O zaman AzadlıqRadiosuna müsahibəsində gənc qadın ən böyük arzusundan danışmış, yaşamaq, 6 yaşlı oğlunu böyütmək istədiyini demişdi. Üstündən bir aydan çox keçib. Həmin vaxt nazirliyin önündə «üsyan edən qadın» kimi təqdim edilən Nahidə Həmzəyevanın səsini eşidən, dərdinə dərman qılan oldumu?

– Evdəyəm. Müalicə etdirmirəm.

– Sonradan sizi Səhiyyə Nazirliyinə dəvət edərək danışdılarmı?

– Xeyr, çağırmadılar.

– Bəs neyləmək fikrindəsiniz?

– O zaman vəziyyətlə bağlı mətbuat konfransı keçirdik. Onda Elşad Təhməzov, Rəhim Qazıyev (keçmiş müdafiə naziri), Sərdar Əlibəyli (jurnalist) də ora gəldilər. Bu şəxslər mənə mənəvi dayaq oldular. Gözlədik, dövlətdən xəbər çıxmadı. Elşad müəllim dedi ki, gəl səni müalicəyə Almaniyaya göndərək. İndi o üzrə iş gedir. Sadəcə, buna da maneələr çıxır. Biletalınır, hər şey hazır olur, sonradan məlum olur ki, səfirlikdə hansısa qərarda nəsə dəyişiklik var. Bilet də batır... Görək də. Noyabrın 21-nə qalıb getməyimiz.

– Təxminən nə qədər vəsait lazımdır sizə?

– Vallah, onu dəqiq deyə bilmirəm. Mənim bildiyim müalicənin məbləği 150 min dollar idi. Yolpulu, orda qalmağa nə qədər lazımdır bilmirəm, bütün bunları Elşad müəllim bilir. O köməklik göstərir. Hər şey ora gedəndən sonra dəqiq bilinəcək.

– Elşad Təhməzov kimdir?

– Dövlət Sığorta İdarəsinin Cəlilabad filialının keçmiş rəhbəridir.

– Nahidə, belə çıxır ki, israrlarınıza baxmayaraq, dövlət qurumları sizə hər hansı yardım göstərmədi?

– Qətiyyən. Zəng edib soruşan da olmadı ki, halın necədir, nə istəyirdin, niyə bu oyunu çıxardırdın?

– Bu dəfə sizi daha ümidli gördüm.

– Bir az ümidlənmişəm. Artıq bilirəm ki, arxamda duranlar var, məni dinləyən, anlayan, yol göstərən kimsə var. O baxımdan çox sağ olsunlar. Bu, mənə dəstəkdir. Özünüz bilirsiniz ki, kimsəsiz kimiydim. Düzdür, anam var, atam var. Amma necə deyim... Sanki gücsüz idim. İndi az da olsa, özümü güclü hiss edirəm.

– Dediniz ki, dövlət qurumlarından sizinlə maraqlanan olmayıb. Buna görə onlardan inciyirsinizmi?

– Əlbəttə. Kim inciməz ki? Bu dövlətin vətəndaşı olaraq öz haqqımı tələb edirdim. Dövlətimin bir məmuru və ya dövlət başçımız mənə cavab vermirsə, əlbəttə, inciyirəm. Kim olsa, inciyər... Hər yerə yazmışdım, hər yerə. Mehriban xanımın qəbuluna da yazılmışdım. Getdim, oradan da bir ay vaxt istədilər. Ay bitdi, cavab gəlmədi. Nömrələr vermişdilər, zəng vurduq, açan olmadı, axırda götürəndə dedilər: «Səhv düşmüsünüz». Altı ildə yazmadığım yer qalmayıb. Heç bir reaksiya yoxdur. Sadəcə, onu dedilər ki, «Respublikanski»yə, ya da Lənkəran Mərkəzi Xəstəxanasına get. Onlar da mənim dərdimi birdəfəlik müalicə etmirlər, yüngül müalicə aparırlar. Mənimsə vaxtım gedir, gözlədikcə ömrümdən gedir.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Xarici valyutaların manata qarşı məzənnələri

26

Avqust
09:52
İQTİSADİYYAT
67

Neft ucuzlaşdı, qaz bahlaşdı

26

Avqust
09:04
İQTİSADİYYAT
91

"Azərsu" ASC-nin su boruları oğurlanıb

24

Avqust
14:23
ÖLKƏ
640

Günün qarşılaşmaları TV AFİŞA

24

Avqust
14:14
İDMAN
472

Hövsanda su çatışmazlığı: sakinlər etiraz edir

24

Avqust
14:10
HÜQUQ,HADİSƏ
488

Azərbaycan nefti ucuzlaşıb

24

Avqust
11:42
İQTİSADİYYAT
537

Xəzər dənizində zəlzələ olub

24

Avqust
10:33
HÜQUQ,HADİSƏ
567
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


26-08-2019 11:17



  (+994 55) 786-96-84

  [email protected]

Valyuta.com

Рейтинг@Mail.ru