Xəbər Lenti

İnfoqrafika

Arxiv

Yazar

27 Oktyabr

2016
12:18
2269
Deputat: “Eldar Mahmudov və bandası yüksək vəzifəli şəxslərin danışıqlarına qulaq asırdı”

Bu ilin avqustunda İsveçərdə referendumla qanunvericiliyə edilən dəyişikliyə görə artıq xüsusi xidmət orqanları vətəndaşların icazəsi və xəbəri olmadan onların telefon danışıqlarına qulaq asa biləcək.

Referendumla qanunvericiliyə edilən dəyişikliyə görə, İsveçrədə kəşfiyyat və əks-kəşfiyyat qurumları vətəndaşların sosial şəbəkələrdəki profillərinə daxil olmaq və hətta şəxsi poçt ünvanlarına da girmək hüquqları alıb.

 

Bəs Azərbaycanda necə, “Əməliyyat-axtarış haqqında” qanuna və digər normativ hüquqi aktlara bu cür dəyişiklik etməyə ehtiyac varmı?

Ölkəmizdə xüsusi xidmət orqanlarının vətəndaşların telefon danışıqlarını, yazışmalarını əldə etməsi qəbul olunarmı?

 

“Bütün vətəndaşların telefon danışıqlarına qulaq asmaq yaxşı olmaz...”

 

Məsələ ilə bağlı Milli Məclisin Müdafiə, təhlükəsizlik və korrupsiya ilə mübarizə komitəsinin üzdü Zahid Oruc deyib ki, Azərbaycanda xüsusi xidmət orqanlarının vətəndaşların telefon danışıqlarına və şəxsi yazışmalarına sərbəst formada müdaxiləsi heç də yaxşı qarşılanmaz:

“Dövləti, xüsusi xidmət orqanlarını ölkədə bütün növ informasiyaların sahibi etmək heç də asan səslənmir. Ölkədəki təhlükəsizlik orqanlarının təmsilçilərinin informasiyaları hansı formalarda istifadə edəcəyinə də hələ heç kim tam təminat verə bilməz.

Bu baxımdan məncə xüsusi xidmət orqanlarının vətəndaşların telefon danışıqlarına qulaq asmaları, yazışmalarını istənilən formada və istədikləri kimi izləmələri yaxşı hal olmazdı”.

 

“Xüsusi xidmət orqanlarına vətəndaş etibar edə bilməlidir...”

 

Deputat söyləyib ki, Azərbaycanda baş verən “MTN” hadisələrindən sonra vətəndaşlarda xüsusi xidmət orqanlarına münasibət hələ tam birmənalı deyil:

“MTN vasitəsilə Azərbaycanda törədilən hadisələrdən sonra xüsusi xidmət orqanlarının vətəndaşların danışıqlarına fasiləsiz və istədikləri formada qulaq asması o qədər də birmənalı qarşılanmaz. Çünki insanların təhlükəsizlik orqanları ilə tam əməkdaşlığı üçün müəyyən bir yol keçilməlidir.

Ortada güvənc və inam yaranmalı, etibar bərpa olunmalıdır. Kimsə düşünməməlidir ki, şəxsi danışıq məlumatları ona qarşı kompramaterial kimi yönələr”.

“Eldar Mahmudovun “bandası” çox rahat hərəkət edirdilər...”

 

Zahid Oruc vurğulayıb ki, təhlükəsizlik və xüsusi xidmət orqanları vətəndaşın danışıqları və yazışmalarını etibar edilə biləcək səviyyəyə çatmalıdır:

“Təhlükəsizlik orqanlarındakı əməkdaşlar özlərinə məxsus əqidə, düşüncə və ideologiyalara malikdirlər. Onlar nə qədər iradəli insanlar olsalar da, vətəndaşların hüquq və azadlıqlarını azalda və şəxsi mənafeləri üçün əldə etdikləri informasiyalardan istifadə edə bilərlər.

Dövlət orqanlarının elə böyük resurs imkanları var ki, müxtəlif şəraitlərdə şübhə doğuran halları dərhal nəzarətə götürə bilirlər. “Əməliyyat-axtarış haqqında” qanunda da var ki, yalnız məhkəmənin qərarı ilə hətta qulaq asılmış və əldə edilmiş yazılar ortaya çıxarıla bilər. Eldar Mahmudov və onun bandası bu işdə çox əli-qolu açıq şəkildə hərəkət edirdi. Xüsusilə rabitə orqanları üzərindən yüksək vəzifəli şəxslərin, adi insanların şəxsi və iş danışıqlarına qulaq asırdılar.

Ona görə də yenidən belə bir məsələnin qalxması fonunda vətəndaşların reaksiyasının necə olmasını ictimai müzakirələrdən sonra bilmək olar”.

 

“Terrorçuluqla mübarizədə səs yazılarına və yazışmalara...”

 

Deputat əlavə edib ki, terrorçuluq və ekstremizmlə mübarizədə vətəndaşların danışıqlarına və yazışmalarına nəzarət etmək olar, amma bu məhdud şəkildə aparılmalıdır:

“Mən hesab edirəm ki, Azərbaycanın təhlükəsizlik amili hər zaman 1-ci yerdədir. Buna görə də hüquqların müəyyən mənada məhdudlaşdırılması qəbul olunandır.

Hər hansı bir ekstremist qrup, terrorçu təşkilatlarla ön tədbirlərin görülməsi məqsədi ilə vətəndaşların telefon danışıqlarına, yazışmalarına girmək və daha vacib məlumatları almaq olar. Amma bütün əhalinin dinlənilməsi, yazılı və səsli materialların yığılması qüsuru hal olar”. (Modern.az)

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Ramil Usubovdan yeni TƏYİNAT

18

İyun
16:52
HÜQUQ,HADİSƏ
197

Məktəb direktoru işdən çıxarıldı

18

İyun
15:48
ELM / TƏHSİL
2094

"WhatsApp"da yeni fırıldaqçılıq

18

İyun
15:41
MARAQLIDIR
2684

Hövsanda inşa edilən sosial evlər - VİDEO

18

İyun
15:22
İQTİSADİYYAT
67

Günün qarşılaşmaları TV AFİŞA

18

İyun
15:10
İDMAN
777

Tarixin ən böyük yalanının ÜSTÜ AÇILDI

18

İyun
15:03
ARAŞDIRMA
4038

Azərbaycanda 2 yeni sığorta agentliyi yaradılıb

18

İyun
14:50
İQTİSADİYYAT
65

Boeing-in zavodu sifarişsiz qalıb

18

İyun
14:18
DÜNYA
1838

Ağstafadakı qətliamın DƏHŞƏTLİ VİDEOSU YAYILDI

18

İyun
13:40
HÜQUQ,HADİSƏ
2475

Sabahın hava proqnozu açıqlanıb

18

İyun
12:58
ÖLKƏ
3324

Azərbaycan BMT-yə hesabat verəcək

18

İyun
12:42
ÖLKƏ
2050

Fuad Abbasov həbsi haqda danışdı - Səs yazısı

18

İyun
12:34
HÜQUQ,HADİSƏ
1484

Mişel Platini Fransada həbs olundu

18

İyun
12:21
İDMAN
2990
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


18-06-2019 17:01



  (+994 55) 786-96-84

  [email protected]

Valyuta.com

Рейтинг@Mail.ru