Xəbər Lenti

İnfoqrafika

Arxiv

Yazar

13 Sentyabr

2016
15:32
Ağasəlim Mircavadov: `Neftçi`nin Rəşad Sadıqovu yoxdur

Son günlər “Neftçi” klubunda baş verən narahatlıqlar son oyunda özünün bariz şəkildə göstərdi. Bu baxımdan "Neftçi” – "Qəbələ” (0:8) matçından sonra "Neftçi” PFK-nın Müşahidə Şurasının növbədənkənar iclası keçirilib. Klubun inzibati binasında təşkil olunmuş iclas səhər saatlarına qədər davam edib. Qeyd edilənlərə görə, klubun müşahidə şurasında və oyunçularda ciddi dəyişikliklər aparılacaq.

Futbol mütəxəssisi, "Neftçi" klubunun keçmiş baş məşçisi Ağasəlim Mircavadov Deyerler.org-la fikirlərini bölüşərkən deyib ki, ötən çempionatda ən çox sarı və qırmızı vərəqə alan oyunçular məhz “Neftçi”nin oyunçuları idi: “İlk olaraq düşünürəm ki, “Neftçi” klubunda ciddi transfer səhvləri olub. Belə ki, bu səhvlər kluba həm yerli, həm də xarici oyunçuların cəlb edilməsində hiss edilir. Digər tərəfdən klub gərək öz oyunçularını rahatlıqla itirməməlidir. Nəzərə almaq lazımdır ki, oyunçunun xasiyyətindən asılı olmayaraq kluba sadiq oyunçulara diqqət yetirmək lazımdır. Klubun bütün oyun prinsiplərini bilən oyunçularını ilk problem vaxtı klubdan xaric etmək düzgün yanaşma deyil. “Neftçi”nin son oyununa baxdıqda aşkar şəkildə oyunçulardakı ruh düşkünlüyünü görmək olurdu. Sanki oyunçularda inamsızlıq var idi və oynamaq istəyi yox idi. Nəzərə almaq lazımdır ki, klubun baş məşqçisi qədər oyun zamanı sözü bütün oyunçular tərəfindən qəbul edilən oyunçunun da varlığı mühümdür. Məsələn “Qarabağ” klubunda Rəşad Sadıqov məhz bu funksiyanı yerinə yetirir. Biz oyuna stadionda baxırıq, amma məşq prosesinin necə keçməsindən heç kəsin xəbəri yoxdur. Ötən çempionatda ən çox sarı və qırmızı vərəqə alan oyunçular məhz “Neftçi”nin oyunçuları idi. Bu da klubun nizamsızlığından xəbər verir. Yəni, “Neftçi” də problemlər çox köklüdür və tez bir zamanda həllinə diqqət ayrılmalıdır”.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


19-10-2018 08:31



  (+994 70) 870-47-49       (+994 55) 786-96-84

  [email protected]

Valyuta.com