Xəbər Lenti

İnfoqrafika

Arxiv

Yazar

09 İyun

2016
16:19
Bu şəxslərə də HƏRBİ XİDMƏTDƏN MÖHLƏT hüququ veriəcək

Xarici ölkələrin bütün ali təhsil və elm müəssisələrində magistratura və doktorantura səviyyəsində də təhsil almaq istəyən Azərbaycan vətəndaşlarına hərbi xidmətdən möhlət hüququ verilir.

 

Milli Məclisdən verilən məlumata görə, bununla bağlı “Hərbi vəzifə və hərbi xidmət haqqında” qanunun 21.1.5-ci maddəsinə əlavələr təklif edilir.

 

Azərbaycan prezidentinin təklif etdiyi layihəyə əsasən, xarici ölkələrdə əyani təhsilalma formasında təhsil alanlara ali təhsil pilləsinin bakalavriat, magistratura və doktorantura səviyyələrində, tibb təhsili üçün ali baza tibb təhsili və rezidenturada (internaturada) təhsil alanlara müvafiq təhsilini bitirənədək hərbi xidmətə çağırışdan möhlət veriləcək. Maddənin hazırda qüvvədə olan variantına görə, hərbi xidmətə çağırışdan möhlət hüququ, xarici ölkələrin siyahısı müvafiq icra hakimiyyəti orqanı (Təhsil Nazirliyi) tərəfindən təsdiq edilmiş təhsil müəssisələrində əyani təhsilalma formasında təhsil alanlara ali təhsil pilləsində (bakalavriat), tibb təhsili üçün ali baza tibb təhsili və rezidenturada (internaturada) təhsil alanlara müvafiq təhsilini bitirənədək verilir.

 

Faktxeberaz

Xatırladaq ki, ötən ay qeyd olunan maddəyə edilən digər təklifə görə isə artıq Təhsil Nazirliyinin tərtib etdiyi siyahıya görə yox, bütün xarici ölkələrdəki ali məktəblərdə oxuyan Azərbaycan vətəndaşlarına hərbi xidmətə çağırışdan möhlət verilməsi nəzərdə tutulub.

 

Qeyd edək ki, artıq qeyd olunan qanunun 21.1.4-cü maddəsinə Azərbaycan prezidentinin təşəbbüsü ilə edilən dəyişikliyə əsasən, Azərbaycanda təhsil alan bütün bakalavr, magistr və doktorantlara hərbi xidmətdən möhlət hüququ veriləcək.

 

Layihə Milli Məclisin növbədənkənar sessiyasının iyunun 14-də keçiriləcək iclasında müzakirəyə çıxarılacaq. (APA)

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


22-10-2018 07:46



  (+994 70) 870-47-49       (+994 55) 786-96-84

  [email protected]

Valyuta.com