Xəbər Lenti

Sorğu

İnfografika

Arxiv

Yazar

03 Fevral

2016
11:53
1723
`Gizlətmirik, `donuz qripi` olsa, hesabat verəcəyik`
Nazirlikdən professora cavab gəldi

"Respublika Taun Əleyhinə Stansiyasına yanvar ayından bu günə qədər kəskin respirator simptomlu xəstələrdən 360 nümunə daxil olub".

Bu sözləri Respublika Taun Əleyhinə Stansiyanın Xüsusi təhlükəli yoluxucu xəstəliklərin epidemialogiyası şöbəsinin müdiri, tibb elmləri namizədi Rita İsmayılova deyib. O qeyd edib ki, onlar hamısı "donuz qripi"nə görə də müayinə olunublar və nəticələri mənfidir.

"Bu rəqəmlərə bütün respublikanın ərazisi, o cümlədən Bakı şəhəri və sərhəd keçid məntəqələrindən göndərilən nümunələr daxildir. Qabaqlıyıcı tədbirlər respublikada aparılır. Məlumdur ki, Səhiyyə Nazirliyinin bununla bağlı iki əmri olub: "donuz qripi"nə qarşı profilaktik tədbirlərin görülməsi, eləcə də əlavə tədbirlər haqqında.

Mütəmadi olaraq hər günün sonunda məktəblər, bağçalar dezinfeksiya edilir, uşaqlar filtrdən keçirilir, xəstə uşaqlar sağlam uşaqların içərəsinə buraxılır. "Donuz qripi" hava-damcı infeksiyası olduğu üçün xəstə uşaqlardan sağlam uşaqlara tez keçir. Hər günün başlanğıcında uşaqlar yoxlanılır, sonra otağa buraxılırlar. Hərarətli, öskürən uşaqlar evə müalicəyə göndərilirlər".

R.İsmayılova Azərbaycanda qonşu ölkələrlə müqayisədə "donuz qripi"nə yoluxmaların olmamasına belə aydınlıq gətirib. "Bizdə qabaqlayıcı tədbirlər daha tez başladı. Qonşu ölkələrdə "donuz qripi" aşkarlanan kimi biz qabaqlayıcı tədbirlərə başladıq. Müşahidələr aparıldı, oradan gələn maşınların dezinfeskiyası edilməyə başlandı. Hər halda o xəstəlik olsa, biz onu nə üçün hesabata verməyək?

Bu, mövsümi qripdən də yüngül keçən virusdur. Bu qripin yoluxması sürətlidir, yəni insanlar bu xəstəliyə tez yoluxurlar. Daha da tez sağala bilirlər. İnsanlar həkimə tez müraciət etsələr, ağırlaşmalar baş verməsə, özlərini qorusalar, yataq rejiminə riayət etsələr, sağalırlar.

Burada ölüm faizi çox aşağıdır. Əgər belə bir hal olsa, onu hesabata verəcəyik. Amma biz istəyirik ki, belə faktlar olmasın, ona görə qabaqlayıcı tədbirlər görürük".

Həkim-professor Adil Qeybulla Modern.az-a açıqlamasında bildirib ki, statistik rəqəmlər ölkəmizdə "donuz qripi"nə yoluxanların olmadığını bildirsə də, bu bir qədər məntiqə sığmır. O qeyd edib ki, çox ağır qrip əlamələtləri, yüksək temperaturla ağır şəraitdə müalicə olunan və dünyasını dəyişən insanlar var. Ola bilsin ki, bunların içərəsində "donuz qripi" olub. "Bizdə bu qrip yoxdur və olmayacaq" kimi bəyanat vermək yox, məsələyə daha ciddi yanaşmaq lazımdır. Hesab edirəm ki, "donuz qripi" aşkarlansa belə, onun gizlədilməsi mümkündür.

Çünki Azərbaycan miqrasiya durumundadır. 3 milyon azərbaycanlı ölkə xaricindədir. Gediş-gəliş nəticəsində ölkəyə daxil olan yoluxmuş şəxslər özləri ilə virusu gətirə bilərlər. "Bizdə "donuz qripi" yoxdur" demək məntiqə sığmır".

Qeyd edək ki, Səhiyyə Nazirliyi Elmi Tədqiqat Ağciyər Xəstəlikləri İnstitutunda, 1 saylı Kliniki Tibbi Mərkəz və 7 saylı Uşaq Yoluxucu Xəstəliklər xəstəxanasında "donuz qripi" xəstəliyi ilə əlaqədar xüsusi palatalar ayrılıb və onlar hazır vəziyyətə gətirilib.

Bölmənin digər xəbərləri


® 2009 FAKTXEBER.COM - Azərbaycan Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


19-01-2018 09:16

ƏLAQƏLƏR

  (+994 70) 870-47-49      (+994 55) 786-96-84

  [email protected]


Valyuta.com


Рейтинг@Mail.ru