Xəbər Lenti

İnfoqrafika

Arxiv

Yazar

03 Dekabr

2015
10:56
Azərbaycanla Avropa İttifaqı arasında soyuqluğun səbəbi açıqlandı

“Azərbaycanla Avropa İttifaqı arasında soyuqluq var və söhbət yalnız Avropa Parlemanetindən getmir. Amma, təbii ki, bu soyuqluğun yaranmasında Avropa Parlamentinin də öz rolu var”. “Report”un məlumatına görə, bunu jurnalistlərə açıqlamasında xarici işlər nazirinin müavini Mahmud Məmmədquliyev, Avropa Parlamentində Azərbaycana qarşı qətnamənin qəbulundan sonra Avropa İttifaqı ilə Azərbaycan arasında münasibətlərin hazırkı durumunu şərh edərkən deyib.

Onun sözlərinə görə, qətnamə layihəsinin qəbul olunması, onun Avropa Parlamentində yekdilliklə dəstəklənməsi anlamına gəlmir: “Demək olmaz ki, parlamentdə hamı o layihəyə səs verib. Ən böyük partiya olan Avropa Xalq Partiyası (European People`s Party) bu layihəyə qarşı çıxıb. Amma hesab edirəm ki, Avropa Parlamenti ilə işləmək lazımdır, çünku bu, Avropa İttifaqının bir hissəsidir və orda mühüm qərarlar qəbul olunur”.

Nazir müavini Avropa İttifaqı ilə Azərbaycan arasında əlaqələrin soyumasının əsas səbəbi kimi, ittifaqın indiyə qədər Dağlıq Qarabağ münaqişəsinə yanaşmada vahid mövqe ortaya qoymaması ilə izah edib: “Düzdür, Riqa sammitində onlar bildiriblər ki, bütün "Şərq Tərəfdaşlığı" ölkələrin ərazi bütövlüyünü tanıyırlar, o cümlədən də Azərbaycanın, eyni zamanda bu münaqişənin necə həll edilməsini Riqa kommünikesində bizə uyğun olan şəkildə göstərməyiblər. Moldova, Gürcüstan, indi də Ukraynada münaqişənin bu və ya digər prinsiplər əsasında həll olunmasını deyirlər, amma Azərbaycana gələndə deyirlər ki, ATƏT-in Minsk qrupu var və hansı qərar qəbul edilsə, onu dəstəkləyəcəyik. Lakin söhbət ondan gedir ki, sənin mövqeyin nədir?”

M.Məmmədquliyev bildirib ki, rəsmi Bakı Dağlıq Qarabağ münaqişəsində Azərbaycana uyğun olan mövqeyini tələb edəcək. 

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


15-10-2018 19:43



  (+994 70) 870-47-49       (+994 55) 786-96-84

  [email protected]

Valyuta.com