Xəbər Lenti

İnfoqrafika

Arxiv

Yazar

30 Noyabr

2015
15:15
BakuBus sürücüsü nəyə görə döyüldü? Şirkət rəsmisi açıqlama verdi

Ötən gecə "BakuBus"ın sürücüsü sərnişin tərəfindən döyülüb. Ciddi xəsarət alan 5 uşaq atası sürücü xəstəxanada əməliyyat olunub. Sərnişin isə tutularaq polis bölməsinə aparılıb.

FaktXəbər-in verdiyi məlumata görə, Bakubus-un mətbuat xidmətinin rəhbəri Nuridə Allahyarova dünən şirkət sürücülərinin başına gələn olaydan danışıb. 

"İçəri şəhər metro stansiyasına çatmamış Şeyx Şamil küçəsində dayanacaqda Baku Bus-a məxsus avtobusumuz dayanır. Ardından bir qədər hərəkət etdikdən sonra işıqforda yaşıl işığın yanmağını bir neçə saniyəlik gözləməli olur və bu zaman bir xanım sərnişin qapıları açmağı xahiş edir. Sürücü dayanacaqdan kənar saxlamayacağını bildirir. Arxadan başqa bir sərnişin məsələyə müdaxilə edərək sürücüyə kobud ifadələr işlədərək, açmağını tələb edir. Sürücü bunun mümkün olmayacağını deyincə sərnişin sürücüyə yaxınlaşır. Növbə dəyişmək üçün sürücünün yanında olan Oqtay Novruzov adlı digər sürücü sərnişinlə sükan arxasında olan sürücünün mübahisəsinin qəzaya yol aça biləcəyindən ehtiyat edərək mübahisəyə müdaxilə edir və sərnişinə şirkət tərəfindən qoyulan qaydaları izah etməyə çalışır. Bu zaman sərnişin Oqtayı döyməyə başlayır. Hadisəni avtobusda mülki geyimdə olan polis nəfəri görərək sərnişinə müdaxilə edir və.. Nəticə. 5 uşaq atası, evinin bütün yükü çiyinlərində olan, bizimlə çalışdığı müddətdə həmişə yüksək mədəniyyət və peşəkarlıq nümayiş elətdirən Oqtay 1 saylı şəhər kliniki xəstəxanasında sabah ediləcək əməliyyata hazırlaşır..

Onunla bu gün görüşdük. Bir kəlmə artıq söz işlətmədi sərnişin haqqında. Dediyi tək söz: "mən müdaxilə etməsəydim sürücü qəza edəcəkdi, mənim canım heç, o qədər qadın, uşaq var idi avtobusda. Cavab qaytarmadım ki, bəlkə sakitləşər. Olmadı. Şükür Allaha qəzasız ötüşdük. Əsas odur insanlara heç nə olmadı.. " Qaydaları və işini icra edərək döyülən sürücü bedə dedi.. Təxminən bir neçə həftə əvvəl Oqtayla bağlı bir kamera görüntüsü izləmişdik. Pandusu açmaqla qalmamış, həm də özü avtobusdan düşərək yaşlı bir xanıma fiziki məhdudiyyətli övladı ilə bağlı kömək etmişdi.. Bu gün döyülüb. Niyə? Çünki hansısa cavan oğlan qayda pozmağını tələb edib, bununla qalmayıb təhqir edib. Və bu zaman sürücüyə mülki geyimli Azərbaycan polisi dəstək olub.

O polislərin qarşısında baş əyir və bütün sərnişinlərimizdən xahiş edirik: "Bu şəhərin bütün infrastrukturu yenilənir. Siz xidmət istədiniz-biz onun ən keyfiyyətlisini təqdim edirik. Siz qayda istədiniz-biz o qaydaları tətbiq edirik. Siz mədəni və humanist sürücü istədiniz-biz o sürücülərlə hər həftə təlim keçirik. Siz nə istədinizsə biz etdik. Bizim istəyimiz sadəcə qaydalara riayət etməyi tələb edərkən öz öhdəliyinizi də unutmamağınızdır. Bir sürücünün ailəsi və övladları bu gün onsuz gecələyəcək. Hər şey ola bilərdi. Ən pisini düşünək. O 5 uşağın və gözü yaşlı qadının gözünün içinə həmin sərnişin baxa biləcəkdimi? Bizim üçün tək vacib olan sərnişin məmnunluğu və təhlükəsizliyidir. Ancaq sürücü də bu ölkənin vətəndaşıdır və əməkdaşımız olaraq onun haqlarını müdafiə etmək borcumuzdur. P.S. Oqtay mən xəstəxanadan çıxanda güc bəla ilə tək bir cümlə deyə bildi: "Siz narahat olmayın, mən yaxşıyam, əgər qəza olsaydı və bu hadisə zamanı bir uşağın burnu qanasaydı mən özümü heç vaxt bağışlamazdım. Yaxşı ki, sürücünü müdaxiləyə qoymadım".

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

AMEA-da iş saatı dəyişdirildi

25

İyun
11:09
ÖLKƏ
18333

Növbəti buraxılış imtahanları başlayıb

25

İyun
10:59
ELM / TƏHSİL
16962

AMB-nin valyuta məzənnələri

23

İyun
10:11
İQTİSADİYYAT
18337

Nefti qiyməti bahalaşmağa başlayıb

23

İyun
09:30
İQTİSADİYYAT
17906

Xaricilər Həcc ziyarətinə gedə bilməyəcək

23

İyun
09:09
MƏNƏVİYYAT
23395

QMİ yaslarla bağlı xəbərdarlıq etdi

19

İyun
18:10
ÖLKƏ
17846

İyunun 22-də dolların manata qarşı məzənnəsi

19

İyun
17:55
İQTİSADİYYAT
17965
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


12-08-2020 04:18





  [email protected]

Valyuta.com

Рейтинг@Mail.ru