Xəbər Lenti

İnfoqrafika

Arxiv

Yazar

23 Noyabr

2015
15:40
220
Facebook mübahisəsi 7 il yarım həbslə bitdi - AZƏRBAYCANDA
"Paylaşdığım şəklin altından ədəbsiz rəylər yazmışdı. Neçə dəfə tələb etdim ki, yazdıqlarını silsin. Başa düşmədi"

Noyabrın 20-də Bakı Ağır Cinayətlər Məhkəməsində 17 yaşlı Rövşən Şahmarova hökm oxunub. Məhkəmə Nizami rayonundakı 238 saylı orta məktəbin şagirdi Rövşən Şahmarovu 7 il 6 ay müddətinə azadlıqdan məhrum edib.

Məhkəmə iclasına hakim Tamella Nəsrullayeva sədrlik edib.

18 BIÇAQ ZƏRBƏSİ

Məktəbliyə qarşı ittihamnamədə deyilir ki, o, facebook sosial şəbəkədə öz sinif yoldaşı Elvin Muradovla mübahisə edib. Tərəflər görüş yeri təyin ediblər. Mübahisə qanla çözülüb. Rövşən Şahmarov Elvin Muradova 18 bıçaq zərbəsi vurub.

Rövşən Şahmarov ifadəsində göstərib ki, 2 ilə yaxındır facebook sosial şəbəkəsindən aktiv istifadə edir. Hazırda müttəhimlər kürsüsündə oturmasına səbəb isə sinif yoldaşının «şit» zarafatları olub:

«Facebook-da sinif yoldaşım olan qızla şəklimi paylaşdım. Elvin şəklin altına rəy yazdı. Ondan xahiş etdim ki, belə şit zarafatlar etməsin. Dava da bunun üstündə düşdü, sonra WhatsApp-da bu barədə söhbət etdik. Məsələni həll etməkçün görüşmək qərarına gəldik. Görüşəndən sonra mübahisə böyüdü, mən də onu bıçaqladım. Amma Elvin bıçaqlanandan sonra da üstümə cumurdu, mən də məcbur olub 18 bıçaq vurdum».

VAXTINDA TİBBİ MÜDAXİLƏ OLMASAYDI…

Elvin Muradov 3 saylı Şəhər Klinik Xəstəxanasına götürülüb, əməliyyat olunub. Vaxtında edilən tibbi müdaxilə məktəblinin həyatda qalmasına səbəb olub.

O da sinif yoldaşının ifadəsinə uyğun ifadə verib. Hadisənin sosial şəbəkədə aralarında baş vermiş anlaşılmazlıqla izah edib. Səhhətinin yaxşı olduğunu və sinif yoldaşından şikayətçi olmadığını deyib.

DİNDİRİLƏN ŞAHİDLƏR DƏ MƏKTƏBLİLƏR OLUB

Məhkəmə tərəflərin sinif yoldaşlarını da dindirib. Elçin Bayramov hadisə barədə bildiklərini hakimlərə belə təsvir edib:

«Elvinlə sınaq imtahanına gedəcəkdik. Ona zəng etdim, dedi ki, Rövşənlə dalaşıb və bıçaqlanıb. Tez özümü onun olduğu yerə çatdırdım. Gördüm ki, qan içərisində yerdə uzanıb. Dedi, Rövşən onu facebookda sinif yoldaşımızın şəklinin altına rəy yazdığına görə bıçaqlayıb. Kimsə təcili yardım çağırmışdı. Onu xəstəxanaya apardılar».

Məhkəmə məktəblini 7 il yarım müddətinə azadlıqdan məhrum edib. Məhkəmə hökmünə görə, Rövşən Şahmarov cəzasını Ədliyyə Nazirliyi, Penitensiar Xidmətin Tərbiyə Müəssisəsində çəkəcək.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Azərbaycan nefti ucuzlaşıb

21

May
09:30
İQTİSADİYYAT
551

Bu təyyarə bir daha uçmayacaq

21

May
09:28
DÜNYA
37

AMB-nin valyuta məzənnələri - SİYAHI

21

May
09:23
İQTİSADİYYAT
23

Naxçıvan əhalisinin sayı artıb

20

May
22:40
ÖLKƏ
102

Təhsil Nazirliyindən ibrətamiz videoçarx

20

May
17:38
ELM / TƏHSİL
1384
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


21-05-2019 09:37



  (+994 55) 786-96-84

  [email protected]

Valyuta.com

Рейтинг@Mail.ru