Xəbər Lenti

İnfoqrafika

Arxiv

Yazar

12 Noyabr

2015
12:16
Mərkəzi Bankdan inflyasiya AÇIQLAMASI

Azərbaycan Mərkəzi Bankının (AMB) proqnozuna görə, 2015-ci ildə orta illik inflyasiya 4.4% təşkil edəcək.

Bu barədə AMB-nin 2015-ci ilin yanvar-sentyabr ayları üzrə pul siyasəti hesabatında deyilir.

Hesabatda bildirilir ki, ilin sonuna inflyasiyanın birrəqəmli səviyyədə qorunacağı gözlənilir: "Qlobal əmtəə bazarlarında ucuzlaşma, partnyor ölkələrdə davam edən devalvasiyalar, habelə pul kütləsinin dinamikası inflyasiyaya azaldıcı təsir göstərən amillərdir".

Beynəlxalq Valyuta Fondunun proqnozları əsasında aparılan qiymətləndirmələrə görə, Azərbaycanda orta illik inflyasiya MDB ölkələri ilə müqayisədə 10.9 faiz bənd, ölkəmizin ticarət tərəfdaşı ölkələrlə müqayisədə isə 3.4 faiz bənd aşağı olacaq.

Hesabatda qeyd olunur ki, Mərkəzi Bank tərəfindən aparılan real sektorun monitorinqinin nəticələri birrəqəmli inflyasiya proqnozu ilə tam uzlaşır: "Belə ki, monitorinqin nəticələrinə görə, qiymət gözləntisi indeksi sənaye və xidmət sektorunda artıb, tikinti sektorunda neytral olub, ticarətdə isə azalıb".

İnflyasiyanın birrəqəmli səviyyədə qorunacağı ilə bağlı proqnozlar Mərkəzi Bank tərəfindən cari ildə reallaşdırılan pul və məzənnə siyasətinin adekvat olduğunu göstərir.

Dövlət Statistika Komitəsinin məlumatlarına əsasən, 2015-ci ilin 9 ayında orta illik inflyasiya 3.7% təşkil edib.

Ümumilikdə, 9 ayda istehlak səbətinə daxil olan 30 ərzaq, 66 qeyri- ərzaq və 23 xidmət olmaqla 119 adda mal və xidmətlərin illik orta qiyməti azalıb. 3 qeyri-ərzaq və 42 xidmət olmaqla 45 adda mal və xidmətlərin illik orta qiyməti isə dəyişməz qalıb.

2015-ci ilin 9 ayında sənaye məhsullarının istehsalçı qiymətləri indeksi 33.2% azalıb. Qiymət azalması mədənçıxarma sənayesi üzrə 37.1%, emal sənayesi üzrə isə 8.9% təşkil edib. Mədənçıxarma sənayesində qiymətlər neft qiymətlərinin azalmasından daha çox təsirlənib.

2015-ci ilin 9 ayında kənd təsərrüfatı məhsullarının istehsalçı qiymətlərində 4.7%-lik artım müşahidə olunub. Qiymət artımı heyvandarlıq məhsulları üzrə 1.1%, bitkiçilik məhsulları üzrə 7.8%, balıq və balıq məhsulları üzrə isə 3% olub.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

İŞİD İsraili hücumla hədələyib

28

Yanvar
10:20
DÜNYA
65

AMB-nin valyuta məzənnələri

28

Yanvar
09:25
İQTİSADİYYAT
185

Ağciyər institunda reanimatoloq yoxdur

27

Yanvar
19:00
HÜQUQ,HADİSƏ
288

Bu universitetin müəllimlərinə töhmət verildi

27

Yanvar
18:45
HÜQUQ,HADİSƏ
408

Mərkəzi Banka daha bir baş direktor təyin edildi

27

Yanvar
18:30
İQTİSADİYYAT
386

İranda zəlzələ baş verib

27

Yanvar
18:06
DÜNYA
375

Yanvarın 28-nə manatın məzənnəsi

27

Yanvar
17:50
İQTİSADİYYAT
246

Rusiya və Yaponiya arasında gərginlik

27

Yanvar
16:47
DÜNYA
365
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


28-01-2020 10:33



  (+994 55) 786-96-84

  [email protected]

Valyuta.com

Рейтинг@Mail.ru