Son zamanlar Rusiya təyyarələrinin qəzaya uğraması ilə bağlı xəbərlər gündəmin əsas mövzularından biri olub. Belə ki, Misirdə sərnişin təyyarəsinin qəzasının şokundan ayılmamış, Afrikada da anoloji hadisənin yaşandığı barədə məlumatlar yayıldı. Xatırladaq ki, Sudanda havaya qalxan  yük təyyarəsi balıqçı qəsəbəsinə çırpılmışdı. 

FaktXeber.com-un məlumatına görə, dağıntıların altından kiminsə salamat çıxarılacağından ümidsiz halda axtarış aparan xidasedicilər, gözlənilmədən uşaq ağlamasının səsini eşidirlər. 

Qalıqların altından xilasedicilər təsirli mənzərə ilə qarşılaşırlar: Huşsuz vəziyyətdə olan kişinin qucağında balaca qızcığaz ağlayırdı. Onların hər ikisinin qəzadan salamaq qalması hər kəsə möcüzə kimi göründü.

Qeyd edək ki, uşaq praktiki olaraq xəsarət almayıb. Onun sadəcə ayağı qırılıb və bir neçə kəsik yarası alıb. Ancaq uşağı öz bədəni ilə qoruyan kişinin vəziyyəti nisbətən ağır qiymətləndirilib.

Zərərçəkənlər dərhal hospitala yerləşdirilir. Məlum olur ki, uşağın  adı Nyalu Tonqdur və 13 aylıqdır. Onun anası və bacısı bu qəzada faciəvi şəkildə həlak olublar. Könüllülər qızcığazın digər qohumlarını axtarırlar.

Qızcığazın xilaskarı isə Vur Arop adlı gənc imiş. Onda bir sıra sınıq xəsarətləri qeydə alınıb və ciddi kəllə beyin travması diaqnozu qoyulub. Lakin həkimlər onun yaşama şansının yüksək olduğunu deyirlər.

Özünə gəldikdən sonra gənc bildirib ki, təyyarə yerə düşməyə başlayanda o, yanındakı tanımadığı qızcığazı bütün bədəni ilə müdafiə etməyə çalışıb. 

Qeyd edək ki, faciəvi qəzada qurbanların sayı hələ də dəqiqləşdirilməyib. Çünki sərnişin və heyət üzvlərindən başqa təyyarənin çırpıldığı evlərin sakinləri də həlak olub. Həmçinin sərnişinlərin dəqiq sayı bilinmir, çünki onlar yük təyyarəsinə qeyri-qanuni olaraq minmişdilər.

Son məlumatlara görə aviaqəzada 41 nəfər həlak olub, cəmi iki nəfər sağ qalıb: qızcığaz və onun xilaskarı…