Xəbər Lenti

İnfoqrafika

Arxiv

Yazar

12 Avqust

2015
16:10
722
Vaqif Əsədov: Sürücünün kiməsə zəng etməsinin qarşısını ala bilmərik

Sükan arxasına əyləşən hər kəs yol hərəkəti qaydalarına riayət etməyə borcludur. Amma bir çox hallarda qayda pozmaqla yanaşı, ona protokol yazılmasını əngəlləmək üçün dərhal telefonlara sarılanlar da az deyil. Bu zaman ona uzadılan telefona cavab verən yol polisi qaydanı pozmuş, ən əsası təhqir olunmuş sayılmırmı?

Modern.az saytının sualını Bakı Şəhər Dövlət Yol Polis İdarəsinin İctimaiyyətlə əlaqələr şöbəsinin rəisi, polkovnik Vaqif Əsədov cavablandırıb.

O bildirib ki, deyilənlərin hamısı keçmişdə qalıb: "Müasir dövrdə yaşadığımızdan, Avropaya inteqrasiya etdiyimizdən buna yol verilə bilməz. Hər kəs dislokasiya üzrə təhkim edildiyi ərazidə xidmət aparır, hər bir sürücü yol hərəkət qaydalarının pozulması ilə bağlı öz xətası üzrə cavabdehlik daşıyır".

Vaqif Əsədov sadalananları azərbaycanlıların mentaliteti, təhlükəli vərdişləri ilə əlaqələndirib: "Əminliklə deyə bilərəm ki, əvvəlki illərdən fərqli olaraq polislər telefon zənglərinə nəinki cavab, ümumiyyətlə, reaksiya vermir.

Əgər hansısa sürücü telefonla kiməsə zəng vurursa, biz deyə bilmərik ki, zəng vurma. O zəng vurur, polis də öz işini görməyə davam edir. Əvvəla, protokol elektron qaydada açılır. Lap tutaq ki, yol polisi ona ötürülən telefona cavab verdi və qaydanı pozan sürücünü buraxdı. Bəs, elektron protokol? Ona görə də bu cür hal yolverilməzdir".

Polkovnik qeyd edib ki, rəhbərlik tərəfindən gün ərzində bütün texniki vasitələrlə əməkdaşlara nəzarət olunur: "Hətta işdən kənarda belə, polislərin hərəkəti izlənilir".

Bir çoxları iddia edir ki, "yuxarı"dan gələn telefon zənginə cavab verməyən yol polisi işini itirməkdən qorxduğundan kimlərinsə qanuna tabe olmamasına "göz yumur".

Şöbə rəisi bununla qətiyyən razılaşmır: "Bunlar ağ yalandır. Polis əməkdaşının fəaliyyətinə nəzarət edilirsə, telefona cavab verdiyi halda onun barəsində nə kimi tədbirlər görüləcəyini bildiyindən bu addımı atmaz. Bu polisin fəaliyyətinə kölgə salmaq istəyənlərin düşüncəsidir və inandırıcı deyil. Polis qanunla tələb olunan qaydada fəaliyyət göstərir və telefona cavab vermirsə, ona kimsə təzyiq və təsir göstərə bilməz. Tam məsuliyyətimlə deyirəm ki, belə bir şey yoxdur".

Vaqif Əsədov yol polisinin bu cür hallara yol vermədiyini bildirsə də, məsələ ilə bağlı media nümayəndələrini qınayıb:

"Bəzi media nümayəndələri dəfələrlə özləri yol hərəkəti qaydalarını pozduğu zaman mənə zəng vurublar. Yol polisi tərəfindən saxlanılmaları barədə məlumat verərək xahiş ediblər ki, "yol polisinə de, protokol yazmasın". İnandırım sizi, son bir həftə ərzində bir neçə belə zəng qəbul etmişəm. Hər biri ilə danışmışam. İstəklərinə qulaq asıb mən də zəng vurmuşam. Amma "komandir, bağışlayın sənədləşdirmişik, kömək edə bilmərik" cavabını almışam. Bunu media nümayəndələrinə bildirəndə isə məndən inciməklə yanaşı, həm də "siz bizi düzgün təbliğ edə bilmirsiz" deyiblər. Guya Vaqif Əsədov jurnalistləri düzgün təbliğ etmir. Burada mənim sözüm yerə düşür, ona görə ki, yol polisi öz işini düzgün icra edir. Amma sizin həmkarlarınız deyir: "Vaqif müəllim, sizi saymırlar".

Siz özünüz buna nə ad verirsiniz? Niyə qayda pozduğuna görə əməkdaşlıq etdiyimiz jurnalist dostumuz məndən inciməlidir? Olmazmı ki, qaydalara riayət etsinlər?

Avtomobilə əyləşən jurnalist kəməri bağlamırsa, qanunla ona protokol yazılmalıdır. Mən buna niyə müdaxilə etməliyəm? Əgər həmin jurnalist yol polisindən qayda-qanun tələb edirsə, ilk növbədə özü qanuna riayət etməlidir. Adlarını çəkmirəm, amma bu yazını oxuyub söhbətin kimdən getdiyini bilən jurnalistlər mütləq olacaq".

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Azərbaycan əhalisinin gəlirləri artıb

20

Avqust
09:50
İQTİSADİYYAT
1850

Xarici valyutaların manata qarşı məzənnələri

20

Avqust
09:28
İQTİSADİYYAT
349

Brent nefti bahalaşıb, WTI isə ucuzlaşıb

20

Avqust
09:20
İQTİSADİYYAT
703

Dinimizin kamil olduğu gün - Qədir-Xum Bayramı

19

Avqust
18:43
MƏNƏVİYYAT
315

Günün qarşılaşmaları TV AFİŞA

19

Avqust
16:31
İDMAN
1016

Vilayət Eyvazov yeni polis rəisi təyin edib

19

Avqust
16:23
HÜQUQ,HADİSƏ
229
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


20-08-2019 11:18



  (+994 55) 786-96-84

  [email protected]

Valyuta.com

Рейтинг@Mail.ru