Xəbər Lenti

İnfoqrafika

Arxiv

Yazar

08 Avqust

2015
12:20
Kəmaləddin Heydərovun oğlu Azərbaycan polisinə etiraz etdi - VİDEO

«Qəbələ» futbol klubu avqustun 6-da «Apollon»la qarşılaşması zamanı polisin azarkeşlərə qarşı davranışını zorakılıq kimi qiymətləndirib. Klubun yaydığı bəyanatda deyilir ki, onlar idmanda hər cür zorakılığın əleyhinədirlər.

Bəyanatda deyilir ki, qazanılan qələbə azarkeşlər tərəfindən ikiqat sevinc və çılğınlıqla qarşılanıb:

«Bu çılğınlıq qaydalar çərçivəsini qətiyyən aşmasa da, təəssüflə bildirmək istəyirik ki, sadə insanlar polis təzyiqinə məruz qaldılar. Xüsusən də, fan-klubların toplaşdığı sektorlar ətrafında say çoxluğu təşkil edən polislər futbolsevərləri sevimli komandalarını qələbəyə səsləməyə imkan vermir, sakitcə yerlərində oturub futbola tamaşa etməyə məcbur edirdilər. Polis 90 dəqiqə ərzində fəallıq göstərən fanatlara fiziki müdaxilə edərək tribunadan uzaqlaşdırırdı.

Vəzifəsi tribunlarda təhlükəsizliyi təmin etmək olan polis oyunboyu göstərdiyi aqressiyanı final fitindən sonra dəhşətli həddə çatdırdı. Belə ki, hadisəyə dair şəkil və videolarda göründüyü kimi, mənasına izah verə bilmədiyimiz zorakılıqla yeniyetmə azarkeşlərimizi dəyənəklə döyməkdən, hətta tribunanın yuxarı mərtəbəsindən aşağı atmaqdan çəkinmədilər. Bunun nəticəsində bir neçə şəxs müxtəlif dərəcəli xəsarətlərlə xəstəxanaya yerləşdirildi. Xoşbəxtlikdən zərərçəkmişlərin vəziyyəti hazırda qənaətbəxşdir». 

Bəyanatda daha sonra deyilir ki, hadisənin miqyası yalnız bir neçə şəxsin xəsarət alması ilə yekunlaşmır, Azərbaycanda idman yarışlarına azarkeş dəstəyinin artmasına ciddi şəkildə zərbə vurur.

«Qəbələ» avqustun 6-da UEFA Avropa Liqası III təsnifat mərhələsində Kiprin «Apollon» klubuyla qarşılaşıb. «Qəbələ» rəqibini 1:0 hesabıyla məğlub edib. Oyun zamanı və sonra gərgin anlar yaşanıb, azarkeşlər Kipr bayrağını cırmağa cəhd ediblər. Polis buna yol verməyib və bu müdaxilə zamanı polislər azarkeşi tribunadan aşağı yuvarlayıb. 

Xatırladaq ki, "Qəbələ" Futbol Klubunun prezidenti fövqəladə hallar naziri Kəmaləddin Heydərovun oğlu Taleh Heydərovdur.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

AMEA-da iş saatı dəyişdirildi

25

İyun
11:09
ÖLKƏ
6265

Növbəti buraxılış imtahanları başlayıb

25

İyun
10:59
ELM / TƏHSİL
5160

AMB-nin valyuta məzənnələri

23

İyun
10:11
İQTİSADİYYAT
6701

Nefti qiyməti bahalaşmağa başlayıb

23

İyun
09:30
İQTİSADİYYAT
6717

Xaricilər Həcc ziyarətinə gedə bilməyəcək

23

İyun
09:09
MƏNƏVİYYAT
9147

İyunun 22-də dolların manata qarşı məzənnəsi

19

İyun
17:55
İQTİSADİYYAT
6397
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


07-07-2020 21:49





  [email protected]

Valyuta.com

Рейтинг@Mail.ru