Xəbər Lenti

İnfoqrafika

Arxiv

Yazar

27 İyul

2015
15:09
`Sovetski` sakinlərinə mənzil verildi

Bakının "Sovetski" adlanan ərazisində sahəsi 25 kv. m-dən az olan evlərin sahiblərinə - 200 ailəyə Nərimanov rayonunda sahəsi 45 kv. m olan mənzillərin açarları təqdim edilib.

Nərimanov rayon İcra Hakimiyyəti başçısının müavini Şahmar İbadov mənzillərin yüksək keyfiyyətlə təmir olunduğunu vətəndaşların diqqətinə çatdırıb.

Daha sonra çıxış edən Yasamal rayon İcra Hakimiyyəti başçısının I müavini Səməd İslamov bildirib ki, yaşayış üçün yararsız azkvadratlı mənzillərdə yaşayan sakinlərin istəkləri nəticəsiz qalmayıb: "Ölkə başçısının diqqəti nəticəsində Nazirlər Kabinetinin 9 iyun 2015-ci il tarixli sərəncamına müvafiq olaraq "Sovetski"də sahəsi 25 kvadrat metr və daha az olan yaşayış sahələrinin Nərimanov rayonunda Fətəli xan Xoyski küçəsi, 98 a ünvanında 104 mənzilli və Koroğlu küçəsi, 9 ünvanda 96 mənzilli yaşayış binasında 2 otaqlı tam təmirli mənzillərlə əvəzlənməsi qərara alınıb. Yeni mənzillərin verilməsi bu məqsədlə yaradılmış Komissiyanın apardığı araşdırmaların nəticələrinə uyğun olaraq, digər yaşayış sahələri olmayan, daha çətin mənzil şəraiti olan sakinlərə şamil edilib".

S. İslamov qeyd edib ki, iyulun 23-də Nərimanov rayonu İcra Hakimiyyətində ilk 93 nəfərə mənzillərin verilməsi baş tutub: "Mənzillərin bölüşdürülməsi tam şəffaf şəkildə sakinlərin iştirakı ilə püşkatma yolu ilə həyata keçirilib və 93 yeni mənzil sahiblərinə təqdim olunub".

Yasamal rayon İcra Hakimiyyəti başçısının I müavini onu da əlavə edib ki, yeni mənzillərin sahələri "Sovetski"dəki mövcud mənzillərin sahələrindən 2-3 dəfə böyükdür.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

"Twitter"in işində problem yaranıb

23

Aprel
16:33
DÜNYA
120

DİM abituriyentlərə müraciət edib

23

Aprel
15:59
ELM / TƏHSİL
110

Polşa səfiri Rusiya XİN-ə gəlib

23

Aprel
15:37
DÜNYA
120
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


23-04-2021 17:37





  [email protected]

Valyuta.com

Рейтинг@Mail.ru