Xəbər Lenti

İnfoqrafika

Arxiv

Yazar

03 İyul

2015
09:32
Biznes ortağını öldürən keçmiş yol polisinin cəzası azaldıldı – FOTO

Bakı Apellyasiya Məhkəməsində Bakı ş. sakini Zeynal Sadıqovun (1970-ci il təv.) CM-nin 120.1-ci (qəsdən adam öldürmə) maddəsi ilə təqsirləndirilməsinə dair cinayət işi üzrə məhkəmə prosesinin baxışı yekunlaşıb.

Ötən il sentyabrın 6-da Suraxanı RPİ 31-ci polis bölməsinin əməkdaşları Bülbülə qəsəbəsində yerləşən qəbiristanlıqda üzərində zorakılıq əlamətləri ilə 25-30 yaşlarında olan qadın meyiti aşkar ediblər. Prokurorluğun müstəntiqi və ekspertin iştirakı ilə hadisə yerinin müayinəsi aparılıb, səhərisi gün istintaq yolu ilə müəyyən edilib ki, həmin qadın Nazilə Əmrahovadır (1968-ci il təv.). Həyata keçirilən istintaq-əməliyyat tədbirləri nəticəsində qətlin törədilməsində şübhəli bilinən Zeynal Sadıqov tutulub. Onun əvvəllər Baş Dövlət Yol Polisində işləməsi məlum olub.

İş üzrə dindirilən Zeynal Sadıqov Nazilə Əmrahovanı pul borcuna görə qətlə yetirdiyini bildirib. Onun sözlərinə görə, bir neçə il əvvəl Nazilə ilə tanış olub, birgə biznes qurublar, eyni zamanda aralarında yaxın münasibət yaranıb.

Qətl 4000 manat borc üstündə baş verib. Ayın 5-də axşam onlar qadına məxsus “Honda” markalı avtomaşınla Bülbülə qəsəbəsinə gəliblər, salonda oturub, söhbət edərkən münaqişə başlayıb, buna görə Zeynal ilk zərbələri Naziləyə elə avtomobildə vurub. Yaralanan qadın imkan tapıb, qaçmağa cəhd göstərsə də, Sadıqov ona əlavə xəsarətlər yetirib və meyitini qəbiristanlıqda ataraq, hadisə yerindən uzaqlaşıb.

Bakı Ağır Cinayətlər Məhkəməsinin hökmü ilə təqsirləndirilən şəxs 10 il müddətinə azadlıqdan məhrumetmə cəzasına məhkum olunub. Hökmdən narazı qalan Z.Sadıqovın müdafiəçisi apellyasiya şikayəti verərək onun cəzasının yüngülləşdirilməsini istəyib.

Bakı Apellyasiya Məhkəməsinin qərarı ilə təqsirləndirilən şəxsin apellyasiya şikayəti qismən təmin edilib və Zeynal Sadıqovun cəzası 9 ilə endirilib.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

AMEA-da iş saatı dəyişdirildi

25

İyun
11:09
ÖLKƏ
48273

Növbəti buraxılış imtahanları başlayıb

25

İyun
10:59
ELM / TƏHSİL
46327

AMB-nin valyuta məzənnələri

23

İyun
10:11
İQTİSADİYYAT
47956

Nefti qiyməti bahalaşmağa başlayıb

23

İyun
09:30
İQTİSADİYYAT
47561

Xaricilər Həcc ziyarətinə gedə bilməyəcək

23

İyun
09:09
MƏNƏVİYYAT
53144

QMİ yaslarla bağlı xəbərdarlıq etdi

19

İyun
18:10
ÖLKƏ
47194

İyunun 22-də dolların manata qarşı məzənnəsi

19

İyun
17:55
İQTİSADİYYAT
47590
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


29-10-2020 11:25





  [email protected]

Valyuta.com

Рейтинг@Mail.ru