ABŞ-da 11 sentyabr 2001-ci ildə əkiz qüllələrə təşkil olunan hücumdan sonra müsəlman terroru bəhanəsi ilə edilən müdaxilələrdə 2 milyon, son 20 ildə isə Qərb ölkələrinin səbəb olduğu müharibə və münaqişələrdə isə 4 milyon insan öldürülüb.

FaktXəbər-in məlumatına görə, mərkəzi ABŞ-da yerləşən PSR araşdırma şirkəti tərəfindən yayımlanan hesabatda bildirilir ki, ABŞ və müttəfiqlərinin 11 sentyabrdan sonrakı hücumlarında Pakistan, İraq və Əfqanıstanda 2 milyon insan öldürülüb. ABŞ-ın 1990-cı ildəki İraq işğalında və sonra tətbiq edilən embarqo səbəbi ilə həyatını itirənlər əlavə olunduqda isə bu say 4 milyonu keçir.

PSR-in 97 səhifəlik hesabatı İraq, Əfqanıstan və Pakistana qarşı hərbi müdaxilələrdə həyatını itirən vətəndaşların sayı ilə bağlı hazırlanan ilk hesabatdır. Hesabata görə, ABŞ və müttəfiqləri 2003-cü ildən etibarən İraqda ən az bir milyon, Əfqanıstan və Pakistanda isə ən az 1.3 milyon insanın ölümünə səbəb olub. Körfəz Müharibəsindən sonra isə Birləşmiş Millətlərin İraqa tətbiq etdiyi embarqoya görə, yarısı uşaq olmaqla, 1.7 milyon insanın öldüyü bildirilir.

Hesabatda həmçinin həqiqi ölü sayının media tərəfindən gizlədildiyi qeyd edilir. Müharibədən sonra Nəcəfdə 40 min insan dəfn olunduğu halda, rəsmi rəqəmlərdə sadəcə 1354 nəfər göstərilir. Həmçinin keçirilən hava hücumlarının da sayı az göstərilib. Hesabatda 2005-ci ildə 25 - 120 arasında dəyişən hava hücumlarının sayı rəsmi rəqəmlərdə yalnız 3 qeyd edilir.

Yəmən, Somali, Mali və digər Afrika ölkələrinin işə daxil edilmədiyi qeyd edilən hesabatda, bu ölkələrdə də 2 milyon insanın öldüyü təxmin edilir.