Xəbər Lenti

İnfoqrafika

Arxiv

Yazar

19 İyun

2015
16:34
İşıq pulunu ödəmədiyi üçün eletriki kəsmək qanunidirmi?

İşıq pulunu ödəmədiyim üçün işığın kəsilməsi qanunidirmi? Bundan əvvəl, vətəndaşa xəbərdarlıq olunmalı idimi? 

Yəqin ki, bir çoxlarımız bu problemlə qarşılaşırıq. Hətta bəzəm binalarda belə məzmunlu elanlara rast gəlirik: “Əgər filan vaxtadək hər hansı bir sakin işıq borcunu ödəməsə, bütün bina sakinlərinin mənzillərinə verilən elektrik enerjisi kəsiləcəkdir.” Bəs bu məsələlərə qanun nə deyir?

FaktXəbər-in verdiyi məlumata görə, bu barədə Bakı Hüquq Mərkəzinin (BHM) hüquqşünası vəkil Dünyamin Novruzov məlumat verib. Vəkil bildirib ki, istifadə edilən enerjiyə görə ödənilməli olan pul məbləğinin əks olunduğu müvafiq bildirişi aldıqdan sonra istehlakçı həmin məbləği bir ay müddətində tam ödəmədikdə, enerji təchizatı müəssisəsi istehlakçıya elektrik enerjisinin verilməsini dayandımaq hüququna malikdir. (“Elektroenergetika haqqında” qanunun 11-ci maddəsi, Azərbaycan Respublikası Nazirlər Kabinetinin 2005-ci il 02 fevral tarixli 18 nömrəli Qərarı ilə təsdiqlənmiş “Elektrik enerjisindən istifadə Qaydaları”nın 9.13.2-ci bəndi). 

“Lakin enerji təchizatı müəssisəsi bu hüququnu həyata keçirərkən iki mühüm şərtə əməl etməlidir. Birincisi, istehlakçıya elektrik enerjisinin verilməsinin dayandırılması yalnız fərdi qaydada həyata keçirilməli, elektrik enerjisinin dəyərini vaxtında ödəməyən istehlakçıya elektrik enerjisinin verilməsinin dayandırılması, elektrik enerjisinin dəyərini vaxtında ödəyən digər istehlakçıların hüquqlarının pozulması ilə nəticələnməməlidir. İkincisi, elektrik enerjisinin verilməsi dayandırılmazdan əvvəl enerji təchizatı müəssisəsi istehlakçıya elektrik enerjisinin verilməsinin dayandırılacağı barədə yazılı bildiriş təqdim etməlidir. Yazılı bildiriş göndərilmədən elektrik enerjisi verilməsinin dayandırılması qadağandır (Qanunun 11-ci maddəsi, “Qaydalar”ın 9.13-1-ci bəndi).” – deyə hüquqşünas bildirib.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


14-12-2018 19:47



  (+994 55) 786-96-84

  [email protected]

Valyuta.com