Xəbər Lenti

İnfoqrafika

Arxiv

Yazar

21 May

2015
10:21
Akademik Kamal Abdullayevə Təbrizdə mükafat təqdim edilib

Mayın 19-da İran İslam Respublikasının Təbriz şəhərində Qafqaz Universitetləri Birliyinin (KUNİB) 5-ci konqresi keçirilib. Konqresdə Azərbaycan, Türkiyə, Gürcüstan, Kipr və İranda fəaliyyət göstərən universitetlərin rektorları və digər nüfuzlu elm ocaqlarının rəhbərləri, alimlər, elmi tədqiqatçılar iştirak ediblər.

Konqresdə Azərbaycan Respublikasının millətlərarası, multikulturalizm və dini məsələlər üzrə Dövlət müşaviri, akademik Kamal Abdullayev, Naxçıvan Dövlət Universitetinin rektoru Saleh Məhərrəmov, Bakı Dövlət Universitetinin prorektoru Sani Hacıyev, Bakı Avrasiya Universitetinin rektoru Nazim Hüseynli, “Naxçıvan” Universitetinin rektoru İsmayıl Əliyev, Xəzər Universitetinin rektoru Hamlet İsaxanlı iştirak ediblər.

KUNİB-in sədri, Türkiyənin Ərdahan Universitetinin rektoru Ramazan Korkmaz birliyə daxil olan elm ocaqlarının fəaliyyətindən, alimlərin elmi işlərindən danışıb. Qeyd olunub ki, region xalqlarının tarixinin, mədəniyyətinin, ictimai və sosial həyatının öyrənilib elmi cəhətdən tədqiq edilməsində birliyə daxil olan universitetlər böyük rol oynayır. Həmin universitetlərdə çalışan alimlərin bu gün yazılan elmi işləri gənc nəslə çatdırılacaq və regionun tarixi daha dərindən öyrənilərək gələcək inkişafa yol açacaq.

Təbriz Universitetinin rektoru Məhəmmədrza Purməhəmmədi universitetlərin elmi əməkdaşlığından danışaraq qeyd edib ki, bu əməkdaşlıq xalqların daha da yaxınlaşmasına səbəb olur. Elm adamlarının bir araya gələrək əlaqələrin genişləndirilməsi haqqında fikir mübadiləsi aparması xalqların bir-birilərini yaxından tanımasına şərait yaradır.

Çıxışlardan sonra konqres öz işini panel iclaslarla davam etdirib.

Sonra KUNİB-in mükafatının təqdimetmə mərasimi olub. Birliyin sədri Ramazan Korkmaz Dövlət müşaviri, akademik Kamal Abdullayevin elmi fəaliyyəti, yazdıqları əsərlərin əhəmiyyətindən danışıb. Bildirib ki, onun elmi tədqiqatları və monoqrafiyaları xalqların mədəniyyətlərinin öyrənilməsinə həsr edilib. Bu əsərlərin təbliği istənilən cəmiyyətdə multikulturalizmin inkişafına təkan verir və xalqların bir-birinə qarşı tolerant münasibətdə olmasının vacibliyini vurğulayır.

R.Korkmaz KUNİB-in “Elmi fəaliyyətə görə” mükafatını Kamal Abdullayevə təqdim edib.

Mükafata görə təşəkkürünü bildirən Dövlət müşaviri Azərbaycan Prezidentinin salamlarını konqres iştirakçılarına çatdırıb. O deyib ki, xalqların birlik, bərabərlik və mehribanlıq şəraitində yaşamasını təbliğ etmək hər bir elm adamının borcudur.

Tədbirdə Azərbaycanın Təbrizdəki baş konsulu Əli Əlizadə də iştirak edib.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

“UNEC-90 Kitablar arasında keçən ömür”

28

May
12:21
ELM / TƏHSİL
337

Sabahın hava proqnozu açıqlanıb

27

May
13:49
ÖLKƏ
347

Lənkəranda zəlzələ olub

27

May
12:08
ÖLKƏ
322
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


28-05-2020 15:00





  [email protected]

Valyuta.com

Рейтинг@Mail.ru