"Milli-Mənəvi Dəyərlər" İctimai Birliyi İmam Museyi-Kazimin (ə) şəhadəti münasibətilə tədbir keçirib. İslamazeri.az xəbər verir ki, tədbirdə ilk öncə ilahiyyatçı Kərbəlayi Rahib Quran tilavət edib. Daha sonra Hacı Nuhbala Rəhimov və Hacı Zülfüqar Mikayılzadə çıxış edib. Onlar çıxışları zamanı İmam Museyi-Kazimin (ə) həyatından, zindanda keçirdiyi ağır şəraitdən, bu günki zindanda olan məhbuslardan və Şeyx Baqir Nimrdən danışıblar. Çıxışlardan sonra Kərbəlayi Mənsur İmam Museyi-Kazimin şəhadətindən bəhs edən rozələr oxuyub. Sonda Hacı Mövsüm Novruzov dualar edərək zindanda nahaq yatan insanların tezliklə azadlığa çıxmasını Allahdan istəyib.