Xəbər Lenti

İnfoqrafika

Arxiv

Yazar

22 Aprel

2015
17:07
Qaxda polisin törətdiyi müəmmalı qəza - TƏFƏRRÜATLAR -FOTO

Azərbaycanın Qax rayonunda polis əməkdaşının törətdiyi qəzanın bəzi təfərrüatları məlum olub.

Qax rayon Polis Şöbəsindən verilən məlumata görə, yol-nəqliyyat hadisəsi baş verəndən dərhal sonra polisə avtomobildə sərnişin qismində Zaqatala rayon Polis Şöbəsinin təhqiqatçısı Aygül Həsənovanın olduğu və qəza nəticəsində xəsarət alanların olmadığı bildirilsə də, araşdırmalar zamanı bu fakt təsdiqini tapmayıb.

Müəyyən edilib ki, Zaqatala rayon Polis Şöbəsinin müstəntiqi Turab Vaqif oğlu İsgəndərov idarə etdiyi “Toyota” markalı, 99 FL 066 dövlət nömrə nişanlı avtomobillə qəza törədərkən avtomobildə sərnişin qismində A. Həsənova deyil, Zaqatala şəhər sakini, 1996-cı il təvəllüdlü Nərgiz Niyazi qızı Ramazanova olub. 

Qəzada xəsarət alan sərnişin dərhal Zaqatala Mərkəzi Rayon Xəstəxanasına aparılıb. İlkin olaraq, həkimlərə onun yıxılaraq xəsarət aldığı bildirilsə də, araşdırmalar zamanı N. Ramazanovanın Qaxda baş verən qəzada yaralandığı müəyyənləşdirilib.

Qax Rayon Polis Şöbəsindən həmçinin bildirilib ki, qəzanı törədən polis əməkdaşı olduğu üçün iş Rayon Prokurorluğu tərəfindən araşdırılır.

Zaqatala Mərkəzi Rayon Xəstəxanasından verilən məlumata görə, N. Ramazanova hazırda xəstəxananın travmatologiya şöbəsində müalicə alır.

Qeyd edək ki, məlum hadisə aprelin 19-da Qax-İlisu avtomobil yolunun Qarabulaq qəsəbəsi ərazisindən keçən hissəsində qeydə alınıb. Turab Vaqif oğlu İsgəndərov idarə etdiyi “Toyota” markalı, 99 FL 066 dövlət nömrə nişanlı avtomobili yolun kənarındakı qaz xəttinə çırpıb. Avtomobildə sürücüdən əlavə bir sərnişin də olub. Hadisə nəticəsində Qaxbaş və Ağçay kəndlərini təbii qazla təchiz edən 195 mm-lik qaz xətti sıradan çıxıb. İki kəndə təbii qazın verilməsində fasilə yaranıb.

Turab İsgəndərov Zaqatala rayon Polis Şöbəsinin istintaq bölməsinin müstəntiqidir. 

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

TƏBİB yeni təyinatlarla bağlı açıqlama yaydı

16

Mart
11:05
AİLƏ, SAĞLAMLIQ
3898

"Neftçi" fəaliyyətini dayandırdı

14

Mart
13:51
İDMAN
2811

Bakıda hava dəyişkən buludlu olacaq

14

Mart
13:10
ÖLKƏ
2242

Şənbə gününün havası açıqlandı

13

Mart
12:58
ÖLKƏ
1892
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


01-04-2020 18:41



  (+994 55) 786-96-84

  [email protected]

Valyuta.com

Рейтинг@Mail.ru