Xəbər Lenti

İnfoqrafika

Arxiv

Yazar

21 Fevral

2015
12:33
1021
Qarabağda ATƏT riyakarlığı

ATƏT-in Minsk qrupunun həmsədərləri yenə Qarabağ münaqişəsinin tərəflərini atəşkəs reciminə riayət etməyə çağırıblar. Bu barədə ATƏT-in rəsmi saytında yerləşdirilmiş sənəddə bildirilir. 

Əgər sülhməramlılar üçlüyü tərəfindən qəbul edilmiş çağırış və tövsiyyələrə baxılarsa, onlar hamısı bir-birinə bənzəyəir və şəxsən mənə çox populyar sovet cizgi filmlərindən birinin məşhur qəhrəmanlarından birinin sözlərini xatırladır: "Uşaqlar, gəlin dost kimi yaşayaq!"

Təbii ki, dost kimi yaşamaq artıq alınmır. İşğal edilmiş Azərbaycan ərazilərində çox qan tökülüb. Bu cür “nə sülh, nə müharibə” vəziyyəti Ermənistan üçün çox əlverişlidir, amma Azərbaycana heç cür əl vermir. 

Yada salaq ki, Qarabağ münaqişəsinin dinc yolla həll edilməsi üçün ATƏT-in Minsk qrupu çərçivəsində danışıqlar 1992-ci ildən aparılır. Təmiz söhbət eləsək, bu məsələdə heç bir irəliləmə yoxdur. Minsk qrupunun həmsədrləri nə qədər ki, Ermənistan ordusunun Dağlıq Qarabağda, Füzulidə, Ağdamda və Azərbaycanın başqa rayonlarında nə iş görməsi barədə sual verməyiblər, bu belə də davam edəcək. Bəlkə, həmsədrlər onların işğal edilmiş ərazilərdən dərhal çıxarılması barədə düşünsünlər? 

Əgər ermənilər bu şərtlərdən imtina edərlərsə, onda onlara qarşı Qərbin Rusiyaya qarşı tətbiq etdiyi sanksiyalar kimi sanksiyalar tətbiq edilməlidir. ATƏT-in Minsk qrupunda ABŞ-ı təmsil edən həmsədr cənab Uorlik ANS-in teleaparıcısı Qənirə Ataşova ilə söhbətində bildirib ki, Qarabağ münaqişəsi Ukrayna münaqişəsindən fərqlənir, amma nə ilə fərqləndiyini izah edə bilmir. Axı hər iki münaqişədə torpaq ilhaqından söhbət gedir. Aydındır, artıq həmsədrlərin səfərləri, münaqişə tərəfləri ilə görüşlər konkret olaraq heç nə verməyəcək. Təmiz desək, bu tamamilə boş danışıqlardır. Zaman bu məsələdə dəyişikliklər tələb edir və həmsədrlər bunu yaxşı başa düşürlər. 

Amma görünür, bu üçlüyü təmsil edən ölkələrin rəhbərləri bir az fərqli düşünürlər, öz aləmlərində yazıq xristian Ermənistanını müsəlman Azərbaycanının militarist siyasətindən qoruyurlar. Əgər bu məsələdə konkret tədbirlər görülməyəcəksə, onda 25 il ərzində heç bir iş görməmiş ATƏT-in Minsk qrupu da lazım deyil. Yəni təcavüzkarlara başqa cür yanaşmanın vaxtı çatıb, yoxsa daha 25 il də heç bir iş görməyəcəklər. 

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

“Laçın”ın sahibinin oğluna hökm oxundu

23

May
16:52
HÜQUQ,HADİSƏ
120

Övladlarınıza verdiyiniz 8 zərərli qida

23

May
16:09
AİLƏ, SAĞLAMLIQ
254

Maksimum bal toplayanların sayı azalıb - SƏBƏB

23

May
15:40
ELM / TƏHSİL
2344
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


24-05-2019 08:54



  (+994 55) 786-96-84

  [email protected]

Valyuta.com

Рейтинг@Mail.ru