Amerika: FaktXəbər-in verdiyi məlumata görə, «demokratiyanın beşiyi» olan Amerikada polislərin daha bir «qəhrəmanlığı» üzə çıxıb. Belə ki, hüquq mühafizəçiləri əllərində oyuncaq tapança olan uşağı ölümcül güllələyibər.

Məlumata görə, polislər yoldan keçən təsadüfi sakin tərəfindən çağırılıb.  O, hüquq mühafizəçilərə zəng edərək bildirib ki,  idman-əyləncə mərkəzinin oyun meydançasının yaxınlığında əlində əsl  döyüş avtomatına oxşayan silahlı bir uşaq görüb. Qeyd edək ki, zəng edən şəxs silahın oyuncaq ola biləcəyi ehtimalını da irəli sürüb.

Hadisə yerinə gələn polislər uşaqdan əldlərini yuxarı qaldırmasını istəyib. 12 yaşlı Tamir Rays  isə əlini silah olan kəmərə tərəf yaxınlaşdırıb. Bu zaman zabit uşağa 2 dəfə atəş açıb.

Polis bu hərəkətini uşaqdakı silahın üzərindəki tapançanın oyuncaq  olduğunu göstərən icbari  narıncı cızığın (təhlükəsizlik indikatoru) olmaması ilə əsaslandırıb.

«Təhlükəli və silahlı cani» olan 12 yaşlı uşaq oyuncaq silaha görə qarnından aldığı yara nəticəsində hadisədən bir neçə saat sonra şəhər xəstəxanasında keçinib.

Bununla belə, maraqlıdır, nəyə görə uşağa xəbərdarlıq atəşi açılmayıb?  Və ya 12 yaşlı uşaq hədəfə nə qədər düz vura bilərdi ki, polis onu güllələyib? Həmçinin uşaqda əsl silah olsa belə, onu yaralamaqla da «zərərsizləşdirmək» olardı. Daha bir maraqlı nüansa diqqət yetirək: Nə hikmətdirsə, polislərin "səhv salaraq" öldürdükləri ancaq qara dərili insanlar olur...

Son hadislərdən birini xatırlayaq: Bir müddət öncə, Miçiqan ştatında  9 polis ruhi xəstə olan bomju 47 GÜLLƏ ilə qətlə yetirmişdi (VİDEO). "Caninin günahı" isə mini marketdən 1 stəkan qəhvə oğurlaması idi. Məhkəmə isə bu dəhşətli cinayətdə polisləri təqsirsiz elan etmişdi…