Fələstin/ FaktXəbər-in verdiyi məlumata görə, Qüdsdə avtobusda işgəncələrə məruz qaldıqdan sonra asılan Yusif Həsən Ramoniyə görə artıq ərəblər adekvat cavab verməyə başlayıblar. Soyuq silahla silahlanmış 2 nəfər  Qüdsdə sinaqoqa hücum ediblər. Hücum nəticəsində  5 nəfər  həlak olub, 9 nəfər yaralanıb. Hücumçular hadisə yerinə gələn polislər tərəfindən öldürülüb.

Xatırladaq ki, yəhudi mühacirlər Qüdsdə əslən fələstinli olan sürücü Yusif Həsən Ramonini vəhşicəsinə qətlə yetiriblər. Onun iki azyaşlı övladı qalıb.

Qüdsün Attur məhəlləsinin sakini Yusif Həsən Ramoni işlədiyi İsrailin IGD kompaniyasına məxsus avtobusda asılmış vəziyyətdə tapılıb. Mərhumun atasının sözlərinə görə, gecə yarısı yerli xəstəxanaların birindən onlara zəng edilib və oğlunun qəzaya düşdüyünü, hazırda vəziyyətinin ağır olduğunu deyilib. Valideynlər dərhal özlərini xəstəxanaya çatdırıblar.  Ailə başçısının sözlərinə görə, Yusifnin  üzü göyərmişdi, bütün bədəni işgəncə  izləri və qançırlarla  dolu idi, boğazında isə boğulmağa xarakterik iz var idi. Tibb işçiləri gəncin həyatını xilas edə bilmirlər.

Qeyd edək ki, bütün bu zorakılıq izlərinə baxmayaraq, İsrail polisi əsas versiya kimi özünə qəsdi götürür. Xatırladaq ki, Qüdsdə  bundan əvvəl işgəncə edilən, sonra isə yəhudi ekstremistləri tərəfindən diri-diri yandırılan yeniyetmə Məhəmməd Haderin ölümü də eyni ssenari  ilə araşdırılmışdı. Yaxşı ki, sonradan Məhəmməd Haderi qətlə yetirənlər həbs olunmuşdu.

FaktXəbər-in verdiyi məlumata görə, avtobusda işgəncələrlə öldürülən gəncin qardaşı Osama Ramoni öz növbəsində bildirib ki, son bir neçə ayda  Yusifə iş vaxtı  hücumlar olmuşdu. Yayda Məhəmməd Xaderin qətlindən sonra Yusuf Həsən Ramon öz həyatından qorxaraq IGD  kompaniyasından istefa vermişdi. Lakin rəhbərlik ərəb sürücülərin təhlükəsizliyini təmin edəcəyinə vəd verdikdən sonra yenidən işinə qayıtmışdı.

Aşağıda fotoda gördüyümüz şəxs "Ərəblərə ölüm" təşkilatının üzvüdür. O, əlindəki ipi göyə qaldıraraq Yusifi öldürənlərlə fəxr etdiyini bildirib.