Xəbər Lenti

İnfoqrafika

Arxiv

Yazar

21 Oktyabr

2014
13:53
798
Avtobus sürücülərinə `dur` deyən olacaqmı - FOTO

Bakıda sərnişin avtobusunda sürücü ilə sərnişinlər arasında insident baş verib. 

91 saylı avtobus Biləcəri qəsəbəsindən “Memar Əcəmi” metrosu istiqamətinə gedərkən Beynəlxalq Avtovağzalın ərazisində dayanacaqda dayanmayıb. Sürücü buna səbəb kimi yolun tıxac olmasını göstərib. Sərnişinlər isə buna etirazlarını bildiriblər. Nəticə bir neçə sərnişinlə sürücü arasında dava düşüb.

Əslində bu tipli hadisələr bir çox sərnişin avtobuslarında baş verib. Avtobus sürücüləri çox vaxt dayanacaqlarda saxlamırlar. Bəziləri “düşən var?”, soruşurlar. Çox vaxt da bu zaman problemlər yaranır.

Məsələ ilə bağlı Nəqliyyat Nazirliyinin mövqeyi isə birmənalıdır. Nazirliyin mətbuat xidmətinin rəhbəri Namiq Həsənovun ANS PRESS-ə verdiyi məlumata görə, hər bir halda avtobuslar bütün dayanacaqlarda saxlamalıdır. Əgər hansısa sürücü dayanacaqda saxlamırsa, sərnişinlər bu barədə nazirliyin “qaynar xətti”nə şikayət edə bilərlər.

Bakı Sərnişinnəqliyyat Məhdud Məsuliyyəti Cəmiyyətinin sərnişindaşımaları monitorinqi, lisenziya və fərqlənmə nişanlarının cəlb etmə şöbəsi müdiri Elçin Nəsirov isə ANS PRESS-ə açıqlamasında bildirib ki, belə hadisələr ən çox tıxac vaxtı baş verir.

“Tixac olanda sürücülər qrafikdən kənara çıxırlar. Buna görə onlar dayanacaqlarda saxlamırlar. Bu zaman da narazılıqlar yaranır. Bizim əməkdaşlarımız da reydlər keçirir. Belə neqativ hallarla rastlaşdıqda tədbirlər görülür”, - deyə Elçin Nəsirov bildirib.

Sahibkarlar isə belə halların pik saatlarında, sərnişin sıx olduğu vaxtlarda baş verdiyini bildirirlər. 91 və 92 saylı avtobusların tabe olduğu “3 qardaş” MMC-nin rəhbəri Hacı Mübariz Quliyevin ANS-ə verdiyi məlumata görə, sürücüləri də qınamaq olmaz.

“Kim öz qazancından qalar? Nəqliyyat Nazirliyi dayancaqların siyahısını və yerlərini verirlər. Biz də sürücülərə təlimatlar veririk. Tapşırılır ki, dayanacaqdan kənarda saxlamaq olmaz. Eyni zamanda tapşırılır ki, bütün dayanacaqlarda saxlanılmalıdır”, - deyə Mübariz Quliyev bildirib./ans















Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

Azərbaycan əhalisinin gəlirləri artıb

20

Avqust
09:50
İQTİSADİYYAT
1852

Xarici valyutaların manata qarşı məzənnələri

20

Avqust
09:28
İQTİSADİYYAT
350

Brent nefti bahalaşıb, WTI isə ucuzlaşıb

20

Avqust
09:20
İQTİSADİYYAT
704

Dinimizin kamil olduğu gün - Qədir-Xum Bayramı

19

Avqust
18:43
MƏNƏVİYYAT
316

Günün qarşılaşmaları TV AFİŞA

19

Avqust
16:31
İDMAN
1017

Vilayət Eyvazov yeni polis rəisi təyin edib

19

Avqust
16:23
HÜQUQ,HADİSƏ
231
Bölmənin digər xəbərləri


® 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


20-08-2019 11:24



  (+994 55) 786-96-84

  [email protected]

Valyuta.com

Рейтинг@Mail.ru