Xəbər Lenti

İnfoqrafika

Arxiv

Yazar

16 Oktyabr

2014
17:16
Polislər çaysatan qadını boğaza yığdı, o da boğazını kəsdi - FOTO

Səməd Vurğun bağında yaşlı qadın damarlarını doğrayıb. Polisin çay satmağa icazə vermədiyi qadın özünə stəkanın qırığı ilə xəsarət yetirib. Hadisə bir neçə dəqiqə əvvəl virtualaz.org saytının müxbirinin gözü önündə baş verib.

Müxbirimiz xəbər verir ki, polislər küçə ticarətinin qadağan edildiyini əsas gətirərək avtobus dayanacağında əsasən marşrut sürücülərinə çay və şirniyyat satan yaşlı qadını ərazidən uzaqlaşdırmaq istəyib.

60-65 yaşlarında olan qadın isə “çörəkpulum yalnız buradan çıxır, bəs mən nə edim, necə dolanım” deyərək polislərin bu tələbinə etiraz edib. Amma polis əməkdaşları buna məhəl qoymayaraq qadını oradan zorla uzaqlaşdırmaq istəyib. Bir neçə termosdan və stəkandan ibarət “piştaxtası”nın dağıdıldığını görən qadın şüşə stəkanı sındıraraq onun qırığı ilə boğazını kəsib, başına və bədəninə əli ilə zərbələr endirməyə başlayıb.

Polis əməkdaşları onu sakitləşdirməyə çalışıb. Hadisə yerinə təcili tibbi yardım çağırılıb. Qadın müayinə olunmaqdan imtina edib. Polis əməkdaşları qadını polis bölməsinə aparıb.

Qeyd edək ki, yaşlı qadın başına gələnləri müxbirimizə danışacağını desə də polislər onu patrul maşınına mindirərək apardı.

Hadisə şahidlərinin dediyinə görə, “Dilarə xala” deyə çağırılan bu ağbirçək qadın hər gün burada çay və şirniyyat satırmış. Qadını tanıyanlar iddia edir ki, Səməd Vurğun bağı ərazisində xidmət aparan polis əməkdaşları qadından gündəlik “haqq” alırdılar. Ancaq indi məbləği qaldırıblar. Bu gündən isə gəlib deyiblər ki, ümumiyyətlə burada nəsə satmaq olmaz. Şahidlər küçə ticarəti çoxdan qadağan edilsə də Dilarə adlı qadının burada bu günədək oturub alver etdiyini söylədirlər.

Qeyd edək ki, daxili işlər naziri Ramil Usubovun əmri ilə küçə ticarəti bu ilin yanvar ayından qadağan edilib. Bəzi rayonlarda isə hələ ki, bu qadağaya əməl edən yoxdur. Bu yaxınlarda isə Suraxanı Rayon Polis İdarəsinin rəisi küçə ticarəti məsələsi

ilə bağlı yol verdiyi nöqsanlara görə vəzifəsindən uzaqlaşdırılıb.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

TƏBİB yeni təyinatlarla bağlı açıqlama yaydı

16

Mart
11:05
AİLƏ, SAĞLAMLIQ
4931

"Neftçi" fəaliyyətini dayandırdı

14

Mart
13:51
İDMAN
3343

Bakıda hava dəyişkən buludlu olacaq

14

Mart
13:10
ÖLKƏ
2671

Şənbə gününün havası açıqlandı

13

Mart
12:58
ÖLKƏ
2213
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


10-04-2020 09:13



  (+994 55) 786-96-84

  [email protected]

Valyuta.com

Рейтинг@Mail.ru