Xəbər Lenti

İnfoqrafika

Arxiv

Yazar

02 Oktyabr

2014
17:21
Polisdən Cəmil Həsənlinin qızı ilə bağlı açıqlama

“Cəmil Həsənlinin qızının adam vurması ilə bağlı məndə hazırda məlumat yoxdur. Amma bunu istisna da etmirəm”.

Bu sözləri Axar.az-a Bakı Şəhər Dövlət Yol Polisi İdarəsinin ictimaiyyətlə əlaqələr şöbəsinin rəisi Vaqif Əsədov Milli Şuranın sədri Cəmil Həsənlinin qızı Günelin avtomobillə 86 yaşlı xanımı vurması barədə yayılan məlumatlara aydınlıq gətirərkən deyib.

Qurum rəsmisi hadisəni istisna etməyib:

“Gün ərzində paytaxt ərazisində 8-10 qəza hadisəsi baş verir. Təbii ki, kimin kim olduğunu və hansı səlahiyyət daşıdığını incələmirik ki, yadda da qalsın. Bu gün beynəlxalq tədbir olan Bakı Beynəlxalq Humanitar Forumuna görə gücləndirilmiş iş rejimi ilə çalışırıq. Bu səbəbdən hadisəni dəqiqləşdirmək və mətbuata açıqlamaq imkanım xaricindədir”.

Xatırladaq ki, Milli Şuranın sədri Cəmil Həsənlinin qızı Günelin 10 gün əvvəl Yasamal rayonu ərazisində, Mirəli Seyidov küçəsində idarə etdiyi “Kia” markalı 90 VL 983 nömrəli avtomobili ilə 86 yaşlı qadını vurduğu barədə xəbər yayılıb. 

İddiaya görə, xəsarətlə alan yaşlı xanımı xəstəxanaya çatdıran sürücü qəzanı polisdən gizlətməyə çalışıb. 

Professor Cəmil Həsənli "Hafta.az"a verdiyi açıqlamada yayılan xəbəri yalan adlandırıb.

Mətndə səhv varsa, həmin səhvi seçib Ctrl + Enter düyməsini basaraq bizə göndərin
Bölmənin digər xəbərləri


® 2009 FAKTXEBER.COM - Onlayn Xəbər Portalı

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


21-10-2018 20:59



  (+994 70) 870-47-49       (+994 55) 786-96-84

  [email protected]

Valyuta.com