Xəbər Lenti

İnfoqrafika

Arxiv

Yazar

05 Sentyabr

2014
16:16
Bakı yol polisindən XƏBƏRDARLIQ

Bu barədə Trend-ə Daxili İşlər Nazirliyinin Bakı Şəhər Baş Polis İdarəsinin Dövlət Yol Polisi İdarəsinin İctimai qurumlarla əlaqə bölməsinin rəisi, polis polkovnik-leytenantı Vaqif Əsədov bildirib.

V.Əsədov deyib ki, yeni dərs ilində yol hərəkətində təhlükəsizliyin təmin edilməsi üçün bütün zəruri tədbirlər həyata keçiriləcək.

Bölmə rəisinin sözlərinə görə, təhsil müəssisələrinin qarşısında yol nişanlarının tələblərini pozan sürücülərə qarşı sərt cəza tədbirləri görüləcək: "Xüsusilə də məktəblərin yerləşdiyi ərazilərdə dayanma, durma və parklanmanı qadağan edən yol nişanlarının təsir zonasında dayanan avtomobil sürücülərinə qarşı ciddi tədbirlər görüləcək".

Bununla bağlı Bakı Şəhər Dövlət Yol Polisi İdarəsinin sözçüsü sürücülərə və avtomobil sahiblərinə müraciət ünvanlayıb: "Bakı Şəhər Dövlət Yol Polisi İdarəsi avtomobil sahibləri və sürücülərinə təhsil müəssisələri istiqamətində şəxsi avtomobilləri ilə hərəkət edərkən qoyulmuş yol nişanlarının tələbini yerinə yetirməyi tövsiyə edir. Sürücülər parkomatlardan istifadə etsinlər. Məktəblərin ətrafında dayandırılmış nəqliyyat vasitəsi yolun daralmasına və avtomobili olmayan valideynlərə və şagirdlərə həmin təhsil müəssisəsi istiqamətində gediş-gəlişə çətinlik yaradır".

Bölmə rəisi onu da əlavə edib ki, Bilik Gününədək ətrafında piyada keçidi olmayan məktəblərin qarşısında şagirdlərin yolu rahat və təhlükəsiz keçmələri üçün piyada zolağı çəkiləcək: "Artıq həmin məktəblərin siyahısı müəyyənləşdirilib və müvafiq qurumlara müraciət göndərilib".

Qeyd edək ki, Azərbaycanda yeni dərs ili sentyabrın 15-də başlayacaq.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

AMEA-da iş saatı dəyişdirildi

25

İyun
11:09
ÖLKƏ
6270

Növbəti buraxılış imtahanları başlayıb

25

İyun
10:59
ELM / TƏHSİL
5170

AMB-nin valyuta məzənnələri

23

İyun
10:11
İQTİSADİYYAT
6706

Nefti qiyməti bahalaşmağa başlayıb

23

İyun
09:30
İQTİSADİYYAT
6722

Xaricilər Həcc ziyarətinə gedə bilməyəcək

23

İyun
09:09
MƏNƏVİYYAT
9157

İyunun 22-də dolların manata qarşı məzənnəsi

19

İyun
17:55
İQTİSADİYYAT
6402
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


07-07-2020 22:18





  [email protected]

Valyuta.com

Рейтинг@Mail.ru