Xəbər Lenti

İnfoqrafika

Arxiv

Yazar

16 İyul

2014
14:47
Bakıda evakuatorların fəaliyyətinə son qoyuldu
Evakuasiya işi DYP-nin əlindən alına bilər

Son vaxtlar Bakıda avtomobillərin evakuasiya edilməsi ilə bağlı şikayətlərin, narazılıqların sayı durmadan artırdı. Artıq bu şikayətlərin nəticəsi var. Belə ki, Avtosfer.az saytının hüquq-mühafizə orqanlarından əldə etdiyi məlumata görə, artıq ötən həftənin cümə günündən etibarən Bakıda evakuasiya maşınlarının fəaliyyəti dayandırılıb. Hətta, bildirilir ki, həmin gündən bəri paytaxtda dayanma-durma qaydalarını pozmağa görə bir dənə də olsun avtomobil evakuasiya edilməyib. Bunun səbəbinə gəlincə isə bildirilir ki, yol polisinin avtomobilləri haqlı-haqsız evakuasiya etməsi əhali arasında ciddi narazılıq yaradıb. Hətta buna görə Daxili İşlər Nazirliyinə ünvanlanan şikayətlərin sayında xeyli artım müşahidə olunub. Evakuasiya ilə bağlı cərimə meydançalarında sürücülərə qarşı kobud davranış, nəzərdə tutulandan artıq pul alınması, alınan pulun əvəzində hər hansı qəbz verilməməsi ilə əlaqədar şikayətlər üzündən DİN rəhbərliyinin göstərişi ilə evakuatorların fəaliyyəti dayandırılıb.

Avtosfer.az saytının əldə etdiyi digər məlumatlara görə, ümumiyyətlə, evakuasiya işi ilə bağlı bir sıra yeniliklər gözlənilir. Məlumata görə, evakuasiya işinin yol polisindən tam alınaraq Bakı Şəhər İcra Hakimiyyətinin Xüsusi Təyinatlı Avtonəqliyyat İdarəsinin tabeçiliyinə verilməsi planlaşdırılır. Lakin İdarənin əməkdaşı Lətif Axundov saytımıza bildirib ki, belə bir söhbət yayılsa da, real görünmür.

Başqa bir məlumata görə, Bakıda evakuatorların avtomobilləri daşıdığı cərimə meydançalarının bəziləri Bakı şəhər Dövlət Yol Polisi İdarəsinin balansında olub. Son vaxtlar evakuasiya işi ilə bağlı şikayətlərin çoxluğuna görə həmin cərimə meydançalırı Bakı şəhər DYPİ-nin balansından çıxırılır. Bəzi cərimə meydançalarına isə evakuatorlarla maşın daşınması qadağan edilib. Bakıdakı bütün cərimə meydançalarının Baş Dövlət Yol Polisi İdarəsinin tabeçiliyinə veriləcəyi bildirilir. Məlumata görə, bundan sonra evakuatorların fəaliyyəti qismən bərpa olunsa belə, əvvəlki kimi qarışıqlıq olmayacaq.

Baş Dövlət Yol Polisi İdarəsinin şöbə rəisi Kamran Əliyev Avtosfer.az-a açıqlamasında bu barədə hər hansı məlumata malik olmadığını bildirib.

Yeri gəlmişkən, iki ay öncə Azərbaycan Respublikasının Prezidenti İlham Əliyev sərəncam imzalayaraq evakuasiya işinin təkmilləşdirilməsi məsələsi barədə Daxidi İşlər Nazirliyinə göstəriş verib. Məsələnin mahiyyəti ondan ibarətdir ki, bundan sonra DYP əməkdaşı hər hansı avtomobili evakuasiya edib cərimə meydançasına aparmazdan əvvəl yerində protokol tərtib etməli, protokol dərhal Baş Dövlət Yol Polisi İdarəsinin Mərkəzi Məlumat Xidməti (MMX) sisteminə yerləşdirilməli və avtomobilin hansı cərimə meydançasına evakuasiya edildiyi barədə «ASAN Xidmət» vasitəsilə nəqliyyat vasitəsi sahibinin mobil telefonuna SMS göndərilməlidir. Güman edirik ki, yol polisi Prezidentin bu tapşırığını sərəncamda qeyd olunan müddətdə icra edəcək və bu sahədə nizam-intizam yaranacaq.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

AMEA-da iş saatı dəyişdirildi

25

İyun
11:09
ÖLKƏ
43381

Növbəti buraxılış imtahanları başlayıb

25

İyun
10:59
ELM / TƏHSİL
41663

AMB-nin valyuta məzənnələri

23

İyun
10:11
İQTİSADİYYAT
43311

Nefti qiyməti bahalaşmağa başlayıb

23

İyun
09:30
İQTİSADİYYAT
42772

Xaricilər Həcc ziyarətinə gedə bilməyəcək

23

İyun
09:09
MƏNƏVİYYAT
48294

QMİ yaslarla bağlı xəbərdarlıq etdi

19

İyun
18:10
ÖLKƏ
42823

İyunun 22-də dolların manata qarşı məzənnəsi

19

İyun
17:55
İQTİSADİYYAT
43254
Şərhlər
Kredo tərəfindən 16-07-2014 11:42:28 tarixində yazıldı
Yalan
Dunen menim gabagimda evakuator mashini aparirdi, sadece mashin sahibi geldi chixdi ve 20 AZN rushvet vererek mashinini geri aldi. Bu olke duzelen deyil. Duzelmesi uchun butun olkenin sistemi yeniden gurulmalidir.
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


27-09-2020 17:55





  [email protected]

Valyuta.com

Рейтинг@Mail.ru