Xəbər Lenti

İnfoqrafika

Arxiv

Yazar

15 Aprel

2014
20:15
Cəsur Sümərənli: “Azərbaycan Silahlı Qüvvələrində kadr böhranı yaşanır”

Müdafiə naziri Zakir Həsənov orduda hərbi polis sisteminin yaradıcılarından olan polkovnik Rövşən Məhərrəmovu ordu sıralarından uzaqlaşdırıb. Polkovnik Rövşən Məhərrəmov 2010-cu ildən xidmətini Müdafiə Nazirliyi Hərbi Hava Qüvvələrində davam etdirib.
 
Hərbi-ekspert Cəsur Sümərənli Deyerler.org-a açıqlamasında bildirib ki, mövcud kadrlar silahlı qüvvələrdə islahatların aparılmasına imkan vermir: “Vaxtı ilə polkovnik Rövşən Məhərrəmovla bağlı xeyli söz-söhbət olub. Onun Hərbi Polis sisteminin rəhbəri olduğu zamanlar törətdiyi bəzi qanunsuzluqlarla bağlı mətbuatda daima məlumatlar gedirdi. Hətta bu cür məlumatların çox yazıldığı bir dövrdə o vəzifəsindən çıxarılmışdı. Məlumatlarda rüşvətlə, korrupsiya ilə bağlı çox ciddi faktlar var idi. Bu baxımda onun haqqında deyilən bəzi yüksək fikirləri qəbul edə bilmirəm.
 
Amma ümumilikdə qeyd edim ki, əgər doğrudan da sağlam ordu qurmaq istəyiriksə, orduda ciddi kadr dəyişikliyi aparılmalıdır. Müdafiə Nazirliyində Səfər Əbiyev dövründə vəzifə tutmuş generalların, zabitlərin tam əksəriyyəti korrupsiyaya qurşanmışdı. Təbii ki, bu cür zabitlərlə azad ordu qurmaq mümkün deyil. Amma bir məsələ də var ki, onların yerinə təyin olunan şəxslərin özləri də ziddiyyətlidir və onların özləri ilə də bağlı pozitiv fikirlər yoxdur. Azərbaycan Silahlı Qüvvələrində bir kadr böhranı yaşanır. Çünki, mövcud korrupsioner zabitləri çıxardıb, onların yerinə təyin etməyə sağlam zabitlər yoxdur. Düşünürəm ki, bu böhran yaxın perespektiv üçün davam edəcək. Mövcud kadrlar Silahlı Qüvvələrdə islahatların aparılmasına imkan vermir. Mütləq kadr hazırlığı ilə bağlı dövlətin bir strategiyası qəbul olunmalıdır. Əks halda hər hansısa bir uğurdan danışmağa dəyməz”.

Xəbərlərimizi Faktxeber.com-un facebook səhifəsində də izləyə bilərsiniz.
Mətndə səhv varsa, həmin səhvi seçib Ctrl + Enter düyməsini basaraq bizə göndərin

AMEA-da iş saatı dəyişdirildi

25

İyun
11:09
ÖLKƏ
19797

Növbəti buraxılış imtahanları başlayıb

25

İyun
10:59
ELM / TƏHSİL
18402

AMB-nin valyuta məzənnələri

23

İyun
10:11
İQTİSADİYYAT
19747

Nefti qiyməti bahalaşmağa başlayıb

23

İyun
09:30
İQTİSADİYYAT
19323

Xaricilər Həcc ziyarətinə gedə bilməyəcək

23

İyun
09:09
MƏNƏVİYYAT
24866

QMİ yaslarla bağlı xəbərdarlıq etdi

19

İyun
18:10
ÖLKƏ
19316

İyunun 22-də dolların manata qarşı məzənnəsi

19

İyun
17:55
İQTİSADİYYAT
19461
Bölmənin digər xəbərləri


© 2009 FAKTXEBER.COM

Dərc olunan materialların mətninə görə, redaksiya heç bir məsuliyət daşımır.
Saytdakı materiallardan istifadə edərkən istinad zəruridir.


14-08-2020 06:33





  [email protected]

Valyuta.com

Рейтинг@Mail.ru